Barria - www.bizkeliza.org
Skip to main content

Eleizbarrutiak pandemian lehenengo lerroan egon diran 8 emakumeri autormena egingo deutse

|   Komunikazinoa

Datorren martxoaren 8an, Emakumearen Nazinoarteko egunez, Bilboko Eleizbarrutian hirugarren urtez jarraian ospatuko dan ekitaldi publikoan, 8 emakumeri autormena egingo jake. Aurtengo ekitaldian, gaixotasuna gertu-gertutik bizi daben eremuetan urtebetetik gora gorputz eta arima lan egiten egon diran 8 emakumeren jarduna autortu gura da. Aurton, Indautxuko Karmeneko Ama parrokiako areto nagusian egingo da jarduera, jente-kopuru mugatuagaz, eguerdiko 12:30etan. Web orrialde honetatik zuzenean emongo dan eitaldian Eleizbarrutiko gotzain administratzailea izango da buru eta Alfre Elgezabal Bizkaia Irratiko esatariak aurkeztuko dau.

“Zuzentasun eta senidetasun handiagoko gizartearen eraikuntzan lagunduz eskaintza eta konpromisoa erakutsi daben” zortzi emakumek jasoko dabe Bizkaiko Eleizaren autormena. Askotariko perfil eta ibilbideak dabezan zortzi emakumeok hainbat eleiz eta herri eremutan konprometituta, pandemiaren unerik gogorrenetan euren onena emon izan daben emakumeak ordezkatzen dabe.

Arlo honeek autortuko dira: gizarte ekintza, osasun pastoraltza, pertsona nagusien egoitzak, heziketa, Hegoaldeko herrialdeakaz konprometitutako emakumeak, osasun arloan jarduten daben emakumeak, alkartean pastoralgintzan ari diran emakumeak eta aisialdian esku-hartzen daben emakumeak.