Barria - www.bizkeliza.org
Skip to main content

Elizbarrutiko 70 parrokiatan batzen dira

created by Abaderik ez danean, Jaunaren Eguna ospatzeko batzarrak |
|   Komunikazinoa

Bilboko Elizbarrutiak urteak daroaz pastoral erabarritzerako urratsak emoten. “Kristinau alkartearen bizitzaren isla diran pastoral arlo desbardinen artean, liturgiari be egiteko bikotxa ekarri deutso: pastoral barrutien barruan parrokia bakotxaren egoera kontuan hartuta, ospakizunen arloa berrantolatu”, azaltzen deusku Ana Berrizbeitia liturgiarako ordekaritzako kide eta Jaunaren Eguna ospatzeko elizkizunetarako elizbarrutiko arduradunak.

Aldizkakotasun desbardinekin (hilean / hamabostean behin gehienetan), batzar honeek gure Elizbarrutiko hainbat lekutan batzen dira. “Kristinau bizitzaren nortasunaren ezaugarrietako bat –dino aurrerago Anak- Jaunaren Eguna alkartean, Eliza izanda, ospatzea da. Alkarte bizitzaren mamina Eukaristia da baina gaur egungo egoeraren eraginez, hori leku batzuetan ezin da domekero ospatu; horregaitik, ospakizun honeen bidez fedea ospatzeko asteko batzarra ziurtatzen da”.

Ze erronka aurkezten deusku, gaur, hamarkada biko ibilbidea daukan esperientzia honek? “Lehenengoa –azaltzen dau-, ‘ospakizunen maparen’ jarraipena egin lurralde bakotxean, egoerari moldatzeko eta erantzuna eskaintzeko: Eukaristia eta Jaunaren Eguna ospatzeko batzarraren arteko erritmoa. Bigarrenez, alkarteari ospakizunaren arloan zerbitzu hori beharrezkoa dala ikustarazo eta, ondorioz, taldea eratu, ardurakidetasuna ezinbestekoa dala ikusi”.

Ospakizun honeek sustatzeko, aldez aurretik batzar honeen inguruko berariazko gaiak lantzen diran heziketa prozesuan parte hartu behar da. “Hilean behin batzartuz, hausnartzen eta lantaldea sortzen laguntzen deuskuen gai desbardinak lantzen doguz”, dino Anak.

Elizbarrutiko web honetan, domeka bakotxeko ospakizunetarako liturgiarako ordezkaritzak eskaintzen dituan lagungarrietara zuzenean sartzeko aukerea dago.

Gaur egun, Jaunaren Eguna ospatzeko batzar honeek I. Bikaritzako meatze inguruan baten dira: Abanto-Zeierbena (5 parrokia); Trapaga (5); Urtuella (3); Muskiz (4). II. Bikaritza: Karrantza (2); Turtzioz (1); Alonsotegi-Sodupe (noizean behin); IV. Bikaritza: Arratia (3); Oiz-Anboto (5); Tabira (2); Ugao-Orozko-Galdakao (6); V. Bikaritza: Gernikaldea (24) eta VI. Bikaritza: Txorierri (7), Mungialdea (6) eta beste leku batzuetan noizean behin.

 

Iglesia de Santa María, en Mundaka.