GARIZUMAKO V. BARIKUA 

I. IRAKURGAIA	Jr 20, 10-13

Neugaz dot Jauna, gudari indartsu.

Jeremias Profetaren liburutik

	Honan berba egin eban Jeremiasek:
«Jentearen mehatxuak entzuten ditut,
bildur-ikara edonon:
"Salatu, salatu dagigun".
Adiskideak eurak bere begira ditut,
nik noiz huts egingo:
"Ea engainatzen dogun —dinoe—;
orduan menperatuko dogu
eta mendekatuko gara haretaz".
Baina neugaz dot Jauna, gudari indartsu;
jausiko dira nire arerioak,
ezin izango nabe garaitu;
hareen asmoek porrot egingo dabe,
hareen lotsea sekulakoa izango da,
ahaztu ezina betiko 
Jaun ahalguztiduna, zuzen aztertzen dozuna,
gizakiaren buru-bihotzak ikusten dozuzana,
zure esku itzi dot neure auzia:
ikusiko ahal dot zure mendekua arerioen aurka!
Kanta Jaunari, goraldu egizue Jauna,
Harek askatu dau-eta gaiztoen eskutik behartsuaren bizia».

ERANTZUN SALMOA	Sal 17, 2-4. 5-6. 7


EBANJELIOA	Jn 10, 31-42

Ebanjelio aurreko txatala	Ikusi Jn 6, 64b. 69b

V/.	Zure berbak, Jauna, espiritua eta bizia dira;
Zuk dozuz betiko biziaren berbak.

Atxilotu egin gura izan eben,
baina ihes egin eutsen eskuetatik.

D..Jesu Kristoren Ebanjelioa San Joanen liburutik

	Aldi haretan, juduek barriro harriak hartu ebezan Jesusi harrika egiteko. Jesusek esan eutsen: «Egintza onik asko egin dot zuen aurrean Aitaren izenean; horreetako zeinegaitik egin gura deustazue harrika?»
	Erantzun eutsoen: «Ez zaitugu egintza onak egiteagaitik harrikatu gura, birao egiteagaitik baino; gizaki izanik, zeure burua Jainko egiten dozulako».
	Jesusek erantzun eutsen: «Ez al dago idatzirik zuen Liburu Santuan: "Nik esan dot: jainko zaree?" Beraz, Jainkoak "jainko" esaten deutse bere berbea zuzendu eutsenei, eta Liburu Santuak esana ukaezina da. Zelan dinozue, bada, Nik, Aitak sagaratu eta mundura bialdu nauan honek, birao egiten dodala, Jainkoaren seme nazala esateagaitik? Nire Aitaren egintzak egiten ez baditut, ez sinestu Niri; baina egiten baldin baditut, Niri sinesten ez badeustazue bere, sinestu egintzei. Holan, behin betiko jakingo dozue Aita Nigan dagoala eta Ni Aitagan».
	Barriro bere atxilotu egin gura izan eben, baina ihes egin eutsen eskuetatik.
	Barriro Jordanez beste aldera joan zan Jesus, sasoi batean Joanek bateatzen jardun eban lekura. Han gelditu zan aldi batez, eta jente asko joaten jakon. Honan inoen: «Joanek ez eban ezaugarririk bat bere egin, baina Honetaz esan eban guztia egia zan». Eta han askok sinestu eben Jesusegan.