Gotzain izandakoak

On Casimiro Morcillo González Gotzaina: Bilboko lehenengo Gotzaina (1950-90-8tik 1956-02-22ra).

On Pablo Gúrpide Beope Gotzaina: Bilboko bigarren Gotzaina. Morcillo Gotzaina ordezkatu eban (1956-02-22tik 1968-11-18an Bilbon hil zan arte).

On José María Cirarda Lachiondo: Santanderreko Gotzain zala, Gúrpide hil zanean Bilboko Administrari Apostoliko izendatua izan zan (1968-11-19tik 1971-12-19ra). Gasteizen hil zan 2008.eko irailaren 17an.

On Antonio Añoveros Ataun Gotzaina: Bilboko hirugarren Gotzaina, 1971-12-19tik, osasun arazoengaitik 1978-09-25an dimisinoa onartu eutsoen arte. 1987ko urriaren 24an hil zan gotzain dimisionario lez.

On Joan Maria Uriarte Goirizelaia: Bilboko Gotzain Laguntzaile izendatu eben 1976an. Añoveros Gotzainaren dimisinoaren ostean, elizbarrutiko Administrari Apostoliko izan zan Larrea Gotzainaren izendapenera arte. 1991era arte izan zan Bilboko Gotzain Laguntzaile.

On Koldobika Mirena Larrea Legarreta Gotzaina: Bilboko laugarren Gotzaina, 1979.eko otsailaren 16tik 1995.eko irailaren 8ra arte, orduan bere dimisinoa onartu eutsoelako arauzko adina betetearren. Elizbarrutiko Administrari Apostoliko izan zan, oraingo gotzainak 1995.eko urriaren 29an kargua hartu eban arte. Bilbon hil zan 2009.eko maiatzaren 27an.

On Ricardo Blázquez Pérez: Bilboko bosgarren Gotzaina, 1995.eko irailaren 8tik aurrera. Avilako Villanueva del Campillon jaio zan 1942.eko apirilaren 13an. 1988.eko maiatzaren 29an ordenatu zan Gotzain. Santiagoko Gotzain laguntzaile (1988-92) eta Palentziako titular (1992-95) izan zan. 1995.eko irailaren 8an izendatu eben Bilboko Elizbarrutiko Gotzain eta 1995.eko urriaren 29an jabetu zan kargu barriaz.

On Karmelo Etxenagusia Uribe: Iurretan (Bizkaia) jaio zan 1932.eko apirilaren 24an. 1995.eko irailaren 8an izendatu eben Bilboko Gotzain laguntzaile. 1995.eko azaroaren 9an ordenatu zan Gotzain. 2008.eko otsailaren 5ean dimisinoa onartu eutsoen, arauzko adina betebearren. Bilbon hil zan 2008.eko azaroaren 6an.

On Mario Iceta Gavicagogeascoa: Gernikan (Bizkaia) jaio zan 1965.eko martxoaren 21ean. 2008.eko otsailaren 5ean izendatu eben Bilboko Gotzain Laguntzaile. 2008.eko apirilaren 12an ordenatu zan Gotzain. 2010.eko apirilaren 17an izendatu eben Gotzain Administratzaile Apostoliko. 2010.eko abuztuaren 24an Bilboko Gotzain izendatua eta 2010.eko urriaren 11an jabetu zan kargu barriaz.