Esta semana la web diocesana ha informado sobre el nombramiento de Igone Etxebarria como nueva directora de Labayru Fundazinoa, la resolución del concurso de videoclips "Jazotakoa Jaso" así como de la publicación por la editorial HOAC del libro "tiempos convulsos" de Ana María Castillo. También la decisión de la Hermandad de cofradías de Bilbao de celebrar buena parte de sus actos en los templos o las nuevas disposiciones de cara a Semana Santa han sido objeto de atención en nuestra portada. Éstas y otras noticias, en www.bizkeliza.org

Bizkaiko parrokietan gaur Aste Santuari hasierea emongo deutsan Erramu Domekako ospakizunak egongo dira. Bilboko katedralean 12etan on Joseba Segura buru dala ospatuko da mezea.

Atzoko egunez, Erramu-domekea, Aste Santuari hasiera emon jakon Bizkaiko parrokietan. On Joseba Segura Eleizbarrutiko gotzain administratzailea buru izan zan eguerdian Santiago katedralean egin zan eleizkizunean. Honako honegaz batera, Eleizbarrutiko beste hainbat ospakizunetako irudiak aurkezten dira. Atzo, gainera, “ Fratelli tutti ” Frantzisko aita santuaren entziklikaren inguruko idazki laburraren haritik hainbat Pastoral Barrutitan (PB) bost astez egin izan daben “Aita Santuaren gutuna” izenburudun jarduera amaitu zan. Portugaleten, Garizuma aldian katekesian garatu izan daben “Portu, alkarte abegitsu” ekimena burutu zan Erramu-domekako ospakizunean. Beste alde batetik, zapatuan Kulturarteko Kurutze-bidea ospatu zan eta atzo Meza latinoamerikarra, biak San Luis Beltran parrokian eta Begoñako kofradiak bere ohiko Kurutze-bidea egin eban, oraingoan, osasun-arauengaitik, Begoñako basilikan eta web honetatik zuzenean emonda.

Nazatetarraren kofradiak ez dau Nazaretarraren prozesinorik egingo eta, horren ordez, meza bi ospatuko ditu eta bere youtube kanaletik zuzenean jarraitzeko aukera eskainiko dabe. Lehenengoa, goizeko 11:00etan ospatuko da eta bigarrena, 19:30etan, Asisko San Frantzisko parrokian (“Quinta parrokia” lez ezagutzen dana, Hurtado Amezagan). Eleiza zabalik egongo da egun osoan eta Nazaretarraren irudia altara nagusian jarriko dabe, gura daben guztiek gurtu daien, indarrean dagozan osasun-neurriak betez.

Deialdi barria ‘Bizkaia isilik’ dalakoaren aldetik, datorren eguaztenez, martxoak 31, 19:30etan.

Udabarria eta eguraldi ona berton doguzala, askotan etxe ondoan doguzan arren ezagutu be egiten ez doguzan bideei ekiteko gogoa bizten jaku. Bizkaian erromes gehienek egiten daben Donejakue bideare n zatia da holako bat. Iparraldeko bide lez ezagutzen dau jenteak eta Kantauriko itsasertz osoa zeharkatzen dau Galiziako Ribadeo herrira heldu eta handik kostaldetik aldendu eta Santiagorantz murgiltzen da. Ibilbide hau oso gustuko eben europar erregeek, batez be errekonkistaren aurretik, lurralde segurua zeharkatzen ebelako. Alkarren Barri - Comunicación eleizbarrutiko aldizkarian jasoten da proposamen hau Roberto Gonzalez Zurdoren eskutik.

Orain dala egun batzuk iragarri genduanez, aurton, Aste Santuko ohiko prozesinoen ordez, Kurutze-bide eta Eukaristiak ospatuko dira eleizen barrualdean, indarrean dagozan segurtasun-neurriak betez. Esteka honetan jaso daiteke Kofradien ermandadeak aurkeztutako egitarauaren barri. Aste Santuko eleizkizunei dagokionez, Eleizbarrutiko Bikaritza Nagusiak egun horreetarako jarraibideak agertzera emon ditu ( hemen ). On Joseba Segura Eleizbarrutiko gotzain administratzailea izango da buru Santiago katedraleko eleizkizunetan eta honeek zuzenean eskainiko dira web orrialde honen eta Radio Popular-Herri Irratiaren bidez. Beste alde batetik, Euskal Telebistak zuzenean emongo ditu Lekeitioko basilikatik Eguen Santuko, Bariku Santuko eta Pazko Domekako ospakizunak.

Gaur arratsaldeko zazpiak eta erdietan Eukaristia ospatuko da Bilboko Areatzan dagoan Bariko San Nikolas eleizan Piedateko Amaren ohorez. Martitzen Santuz, urtero atara ohi izan dabe prozesinoan “Juan Pascual Menaren Piedateko Ama Bilboko Aste Santuko irudirik bikainenetakoa”, baina, aurton, pandemia dala-eta, ezin da holakorik egin eta horregaitik ospatuko da Eukaristia.

Hilaren azken eguaztenez ohikoa danez, ‘Bizkaia isilik’ ekimenak bilkura isilak deitu ditu, “etorkin eta errefuxiatuek jasaten dabezan bidegabekeriak salatzeko”. Oraingoan, eurentzat eta euren familientzat bizimodu hobearen bila, etxeak eta alkarteak atzean itzi behar izan dabezan emakumeengan jarri gura dabe arreta. Pandemia dala-eta, aldaketak izango dira bilkurak egiteko lekuei eta erei dagokienez. Bilbon, bilkura isila Arriaga inguruko plazatik Areatzako kioskoaren ingurura lekualdatu dabe. Balmaseda, Portugalete eta Barakaldoko bilkurak online izango dira. Galdakaon, lekukotasun-bilkura egingo da Iturrondo plazan eta Durangon, Andra Mari eleizpean egingo da. Bilkura guztiak 19:30etan hasiko dira.

Goizeko 11:00etan hasiko da Krisma-meza Santiago katedralean eta On Joseba Segura Eleizbarrutiko gotzain administratzailea buru dala ospatuko da. Aste Santuko gainerako eleizkizunak lez, jarraibide jakin batzuen arabera ospatuko da. Ospakizunaren amaieran, ilara bakarra antolatuko da klaustroaren inguruan Orio Santuak eta antolatuan jasoteko. Lagun arteko ezinbesteko tartea gordeko da eta Bikaritza Nagusiak kaleratu dauan oharrean esaten danez, gaur kanpotik datozanek jasotzea gomendatzen da eta Bilbok alkarteek Pazko-bigarrenetik aurrera jaso daiezala. Krisma-meza eta arratsaldeko 18:00etan ospatuko dan Jaunaren Afarikoa zuzenean jarraitu daitekez web orrialde honetatik.