Ana Sofia Telletxea langile soziala eta, azken hamabi urteetan, Bizkaiko Caritaseko oinarrizko gizarte ekintzarako programaren arduraduna. Bilbon bizi dan bermeotar honek uda asko pasatu ditu beste kide batzuekin batera, guk atsedenaldiaz gozatzen dogun bitartean, zailtasun larriak jasaten dabezan pertsonei lagunduz. Caritasek udan ere egoera horreei erantzun gura deutse.

Eugenio Altazubiaga Areetako Mesedeetako parrokoak ez dau zalantzarik. “Garrantzitsua da danok parrokiako taldeetan zein elizbarrutian egiten danaren barri izatea”. Elizbarrutiko abade lez mende erditik gora daroan 75 urteko beterano honek hainbat lekutan gauzatu dau bere ministerioa: Enkarterrietan –hemen bikario izan zan-, Ezkerraldean –Santurtzin eta Retuerton, eta hemen egoala Liturgiarako elizbarrutiko ordezkari izan zan-. Azken 16 urteetan, bestalde, Eskuinaldean dago, Areeta-Getxoko Mesedeetako parrokian. Parrokia honek urrats garrantzitsua emon dau oraintsu: Pastoral Kontseiluak parrokiako aldizkaria ‘Comunicación-Alkarren Barri’ elizbarrutiko aldizkariagaz osotzea erabagi dau, horretarako, 500 ale harpidetu ditu. Parrokia honek egindakoaren ostean, beste alkarte batzuk ere aukera hau aztertzen dihardue.

Berrogei urtez lanean jardun ondoren, Mari Carmen Navarro irrati bizkaitarretan izan dan esataririk onenetakoa erretiratu egiten da eta Juanma Jubera kazetari bilbotarraren ardurapean izten dau “Eliza gaur” irratsaio erlijiosoa. RADIO POPULAR – HERRI IRRATIko esatariak bizitza osoa eskeini deutso irratiari: “nire sukar eta analgesikoa da, artegatasun sustagarria izan da, egunero ohetik altxatzeko, urteotan ez da egun lasai bakar bat ere egon, ezta egun aspergarri bat ere”.

Gizarte ekonomia eta banka etiko eredu barria ezartzekotan, 2001. urtean jaio zan Fiare Fundazinoak banka etikoa Espainia osoan zabaltzeko asmoa iragarri dau. Egitasmo hau Euskal Herrian eta Nafarroan jarri zan martxan Italiako Banca Popolare Etica deritzanaren babesaz eta ‘aurrezki arduratsua sustatu gura dauan eta gizarte eta garapen egitasmoen alde egiten dauan bankua’ bultzatzeko.

Eleizbarrutiko hainbat parrokiatan garatzen dihardue erlijino esperientzia familian bizitzeko proposamena. ‘0-6 urte bitartekoentzako egitasmoa’ da eta aitak eta amak euren seme eta alabakaz batzen dira fedearen garapeneko ibilpidea alkarregaz egiteko. Ekimen hau lantzen dihardue, esate baterako, Algortan, Gurutzetan (Errekarte), Sestaon, Indautxun, Artxandapen, Deustun, San Inazion eta Errekalden (Arraizpe). Eta beste leku batzuetan –adibidez Basaurin- lehenengo urratsak emoten ari dira.

Urtarrilaren 1ean, Eleizeak Bakearen aldeko Munduko Eguna ospatzen dau urtez urte. Aurton, Frantzisko Aita Santuak, gai honen inguruan jardun dau bere mezuan: “Gainditu ardurabakotasuna eta lortu bakea”.

Bihar, eguena, maiatzak 28, eleizbarrutiko abade batzuek euren abadegintzaren Diamantezko, Urrezko eta Zidarrezko Ezteguak ospatuko dabez. Aurton, 1955. urtean abade egin ziranek Diamantezko Ezteguak ospatuko dabez eta 1965. urtean abade egindakoek Urrezko Ezteguak.

Bizkaiko Foru Aldundiak 2014ko ohorezko ‘Lauaxeta’ saria emon deutse gaur, sasoi gatxetan sinisten ebenaren alde jardun eben personei. Bilboko Eleizbarrutiak euskerazko programazinoa bultzatzeko Herri Irratian martxan jarri eban zerbitzua 1973an hasi zan emititzen. Juan Mari Iraolagoitia lehenengo zuzendariak jaso dau saria Bizkaian euskerazko irratia egiten aitzindari izan ziran 9 lagunen izenean.    

Aste honetan bizkeliza.org webgunean argitaratutakoak, laburrean.

Uztailaren 16an, Karmeneko Amaren egunean, jaia eta usadio zaharrak nahastatzen dira Santurtzi, Barakaldo, Zornotza, Plentzia edo Sopela lako Bizkaiko hainbat herritan.