Beste hainbat jarduera lez, “Bake Topaketa”, Bake eta adiskidetzearen aldeko topaketa, beste formatu batean ospatuko da eta ez, ohikoa danez, leku jakin batean alkartuta. Otsailaren 20an ospatuko da, “Etorkizunezko iragana / El pasado que seremos” goiburuaren haritik. Parte hartzeko edo gehiago jakiteko, helbide honetara jo: pazyreconciliacion@bizkeliza.org

Salerosketa jasan daben pertsonen irudiez osatutako Fernando Marmol Huesoren ‘Puntu eta jarrai. Bizia eraginkorrago da’ argazkien erakusketa Bilboko Santiago katedraleko klaustroan egon da joan dan astetik eta bihartik aurrera beste klaustro batean, Deustuko Unibertsitatekoan, izango da ikusgai. Migrazinoetarako Gotzain batzordeko Idazkaritzak antolatutako erakusketa hau antolatu eta sustatu dabe Migrazinoetarako Bilboko Eleizbarrutiko Mahitik, batez be, erakusketaren aurkezpenaren egunean Marije Calvo Migrazinoetarako Pastoraltzako arduradunak adierazo ebanez, “gehienetan emakumeek eta, kasu askotan, neskatoek jasaten daben salerosketa anker hau” ezagutzera emoteko, horren inguruan gogoeta egiteko eta aurre egiteko. Joan dan otsailaren 8an ospatu zan salerosketaren aurkako Munduko Gogoeta eta Otoitz eguna dala-eta, Mahaiaren eskutik berbaldia ospatuko da online otsailaren 16an, 19:00etan, Maria Francisca Sanchez Vara Migrazinoetarako eta Giza Mobikortasuneranko Gotzain Azpibatzordeko Idazkaritzako arduradunak jardungo daualarik.

Otsailaren 17an, Hausterre egunez , katedralean eleizkizuna ospatuko da 19:00etan, On Joseba Segura Eleizbarrutiko gotzain administratzailea buru dala, eta web orrialde honen bidez zuzenean ikusi ahal izango dana. Bizkaiko Eleizak holan emongo deutso hasiera Garizuma aldiari. Aurton, gainera, Karidade eta Zuzentasunerako, Fede-zabalkunde eta Katekesirako, Misinoetarako Ordezkaritzek eta Caritasek “Adiskide eta Senide – Comunidades acogedoras” ekimena jarri dabe martxan, Fratelli tutti Frantzisko aita santuaren entziklikan oinarrituta. Gaur, otsailak 10, agiria aurkeztuko da eta honez dei egiten deusku “aniztasunaren kudeaketa zuzena egin eta egundoko aukeratzat hartu daigun”.

Reyes Villanueva Esku Elkartuak erakundearen Bizaiko presidente-ordezkariak ohikoa danez otsailaren bigarren domekaren inguruan ospatzen dan gosearen aurkako kanpaina aurkeztu dau. Aurtengoa, giza eskubideei eskainitako hirurtekoko azken urtea da. Gaur, barikua, borondatezko barau eguna da eta etzi –otsailak 14, domekea- parrokietan garatuko da kanpaina, s entiberatasuna biztuz eta dirua batuz. On Joseba Segura Eleizbarrutiko gotzain administratzaileak gutuna idatzi dau kanpainarako eta, bere esanetan, “gizadi lez aurrez aurre doguzan erronkei urtenbidea aurkitzeko ezinbestekoa da emakumearengandik jaiotako gizon eta emakume guztiok duintasun bera daben anai-arreba garaneko uste sendoa indartzea”.

Gaur, Gaixoaren Munduko Egunez, On Joseba Segur a Eleizbarrutiko gotzain administratzailea izango da buru Santiago katedralean ospatuko dan eta web orrialde honen bidez zuzenean jarraitu daiteken Eukaristian, 19:00etan. Laura Etxebarria Osasun Pastoraltzarako Eleizbarrutiko arduradunak egun honen inguruan Eleizbarrutiari bialdu deutsan oharrean azaltzen dauanez, “Alkar zaindu daigun” goiburua aukeratu da aurtengo ekitaldirako, “alkarren ardura izan behar dogula gogoratuz, pandemiak, era mingarrian, argi eta garbi erakutsi deuskunez”.

Aurton pandemiaren eraginez, beste ekintza ugarigaz gertatu dan moduan, Bake Topaketaren formatoa aldatuko da. Online egingo da otsailaren 20an. Horretarakko, komunikabideen sailak bideo bat ipiniko dau ikusgai egun horretarako izena emoten daben pertsona edo taldeentzat. Bideoan on Joseba Segura gotzainak ondo etorria emongo dau eta Galo Bilbaok Elizbarrutiko bake eta adiskidetze esparruko ardurdaunak jardunaren dinamikea aurkeztuko dau. Bideoan lekukotza bat batzen da eta biktima batzuk be aurrera begirako asmo batzuk azalduko dabez. Ekimena otoitz labur bategaz amaituko da.