Azken urteotan ohikoa danez, Bizkaiko hainbat herritatik etorriko jentea batuko da Bilboko Eleizbarrutiak kurtsoari hasiera emoteko egingo dauan ekitaldian. Osasun krisialdiak eragindako egoera dala-eta, segurtasun-neurriak betez egingo da ‘Goazen 2020’ jarduera La Casilla pabiloian, besteak beste, jente-kopuru mugatuagaz, hain zuzen be 250 partaidegaz. Bertaratutako guztiek aldez aurretik egin behar izan dabe izen-emotea, nortasun-agiria erakutsi beharko dabe sarreran eta harmailetan jarriko dira lagun arteko nahitaezko tartea betez. On Mario Izeta gotzaina eta On Joseba Segura gotzain laguntzailea izango dira ekitaldian eta eleiz esperientzia eta ibilbide esanguratsua daben lagun bik esku-hartuko dabe. Hezkuntza beharrizan bereziak dabezan (SAT) Otxarkoaga ikastegiko gazteek osatzen daben ‘Percussion Confussion’ taldeak girotuko dau baterako topaketa hau. Ekitaldia zuzenean emongo da web orrialde honetan.

Gaur hasten da Zeinu-hizkuntzaren Nazinoarteko Astea. Aurton, indarrean dagozan osasun baldintzen eraginez jardueren egutegia murriztu egin dabe. Dana dala, gure Eleizbarrutian pastoraltza hau bizi-bizi dago eta partaideek etzi La Casilla pabiloian ospatuko dan ‘Goazen’ kurtso hasierako ekitaldian parte hartuko dabe era telematikoan. Aitatutako jarduera hori arratsaldeko seietan hasiko da eta zuzenean jarraitu ahal izango da on-line www.bizkeliza.org eleizbarrutiko web orrialdean.

Irailak 27 Materialak

Datorren domekaz, irailak 27, Etorkin eta Errefuxiatuaren Munduko Eguna ospatuko da. “Jesukristo lez, ihes egitera behartuak” goiburuaren haritik, Frantzisko Aita Santuak dei egiten dau: “COVID-19aren pandemiak larritu egin dauan herrialdeetako barruko baztertutakoen egoera larriaren, askotan ezkutukoa dan zoritxarreko egoeraren aurrean” erantzuna emon daigula. Egun hau dala-eta, gure Eleizbarrutian jarduera ospatuko da internet bidez datorren eguenez, irailak 24, 18:30etan (esteka honen bidez sartu daiteke), “Abegiari eta behartutako lekualdetzeei buruzko alkarrizketa” izenburua ardaztzat hartuta. Fabio Baggio Etorkin eta Errefuxiatuen arloko Vatikanoko idazkariordeak, A. Roberto Ares Migrazinoei buruzko Azterlanetarako Comillaseko Unibersidadeko Institutuko eta Eskubidedun Migratzaileen Sareko zuzendariak eta Mª Francisca Sanchez Migrazinoetarako eta Giza Mobikortasunerako Gotzain Azpibatzordeko Idazkaritzako eta Eskubidedun Migratzaleen Sareko zuzendariak parte hartuko dabe. Abegiari lotutako hainbat lekukotasun be eskainiko da.

«Como Jesucristo, obligados a huir» / «Jesu Kristo bezala, ihes egitera behartuak»

Loiuko Lañomendiko Mesedetako monjen San Jose monasterioa usain gazi-gozoz beteta dago: gozogintzaren usain gozoak eta Indiako jakien bedar usaintsuenak eta espezienak. Izan be, 11 monjez osatutako alkarte honetan, lau monja Indiakoak dira eta euren herrialdeko jakiak prestatzen dabez enkargatu ezkero. Gaur, Mesedetako monjen eguna da eta arratsaldeko bostak eta erdietan Eukaristia ospatuko dabe Bilboko gotzaina buru dala.

On Joseba Segura Bilboko Eleizbarrutiko gotzain laguntzaileak gaur arratsaldez La Casilla pabiloian ospatuko dan ekitaldian parte hartuko dau. Bilboko Eleizbarrutiaren ‘youtube’ kanaletik zuzenean jarraitu ahal izango dan ‘Goazen 2020’ kurtso hasierako ekitaldia indarrean dagoan osasun kristiak baldintzatuta ospatuko da eta horixe nabarmentzen dau On Joseba Segura gotzainak alkarteari zuzentzen deutsan mezuan.

Jose Maria Rodriguez Olaizola jesuita, teologo eta idazleak Eva Fernandez Ekintza Katoliko Orokorra mobimentuko presidenteagaz batera jardungo dau gaur 2020-2021 pastoral ekiturtearen hasierako ekitaldian. Atzo alkarrizketa egin eutsen fraileari Radio Popular-Herri Irratian eta gaur La Casilla pabiloian 18:00etatik aurrera streaming bidez eskainiko dan solasaldian aztertuko daben hainbat kontu aitatu dau. Hona hemen irratian emondako azalpen batzuk.

Irudian klikatuz "Goazen!" eleizbarrutiko pastoral ekiturtearen hasierako ekitaldiaren grabazino osoa ikusi daikegu.

Joan dan zapatuz, irailak 26, Eleizbarrutiko Seminarioak kurtsoaren hasiera ofiziala ospatu eban. Kurtso barriaren hasierako ekitaldia, pandemiak eragindako osasun-egoera kontuan hartuta, ekitaldietan batu daiten jente-kopurua mugatua danez eta lagun arteko segurtasun tartea ezinbestez gorde behar danez, ezohiko lekuan egin zan, hain zuzen be, Begoñako basilikan, On Mario Izeta eleizbarrutiko gotzaina eta On Joseba Segura gotzain laguntzailea buru zirala ospatu zan Eukaristiagaz. Holan jente gehiagok izan eban parte hartzeko aukera. Eleizkizuna zuzenean eskaini zan web orrialde honen bidez.