Najako Karidadeko Jesusen Mirabeen monjek Kapitulu Nagusia ospatzen dihardue egun honeetan, gai desbardinak aztertzeko eta karguak barritzeko. Aurton, Ama sortzailearen heriotzaren mendeurrena ospatzen dan urtean, hamazazpi herrialdetan dagoan kongregazinoaren berrogei ahizta ordezkari batzartu dira.

Kalean da Euskalerriko Eskautak mobimentuak argitaratzen dauan agerkariaren iraileko alea. “Familia ingurua gehiago ezagutu” gaia da nabarmentzen dana. Honen haritik, taldeetako hezitzaileek hezkuntza eskemaren barruan dagoan “ardatz sozializatzaile nagusiagaz” daukien hartu-emonaren inguruan galderak egiten dabez.

“Krisi ekonomikoaren bosturtekoa beteko da eta, krisiak aurrera egin ahala, galdera barriak sortzen dira”, nabarmentzen dabe Barandiaran Kristau Elkarteko (BKA) kideek mintegi honen aurkezpenean. Bertan, besteak beste, hauxe aztertu gura dabe: Elizearen jarrerea; krisialdiak Europaren etorkizunerako izan leikezan ondorioak eta ekonomiaren gaur egungo egoerea, jokoan dagozan balioak nabarmenduz.

Espainiako Caritas, Caritasen nazioarteko sareagaz koordinatuta, martxan jarri da, Haitiko Caritasi laguntzeko bart Haiti astindu eban lurrikara gogorraren eraginez kaltetuta suertatu diran milaka lagunei sorospena helduazoteko. Jasotako lehenengo barrien arabera, Richter eskalan 7 graduko indarrera heldu zan lurrikararen epizentroetako bat Haitiko hiriburua dan Puerto Príncipetik 15 kilometrotara hego-mendebaldera kokatu zan eta beste bat Barahona hiritik 143 kilometrotara ipar-mendebaldera, Errepublika Dominikarretik hego-mendebaldera. Lehenengo lurrikara bortitz honen ostean, errepllika bi izan dira, 5,4 eta 5,9 gradutakoak hurrenez hurren, eta Haitiko hiriburua astindu dabe barriro ere. Hondamendia ikaragarria da eta Puerto Príncipeko ehunka eraikin eraitsi egin da, tartean ospitale bat. Era berean, Nazio Batuen egoitzak, Presidentearen Jauregiak eta Puerto Príncipeko katedralak kalte larriak jasan dabez.

“Jainkoaren Hitza nork bere egin eta aldarrikatu” goiburupean, Iruña eta Tutera, Bilbao, Donostia eta Gasteizko gotzainek Garizuma-Pazkorako Pastoral Idazkia idatzi dabe. Gaur, Hausterre eguna, argitaratzen da eta, oraingoan, kristau fedearen eta Elizearen bizitzaren osagai nagusienetako baten inguruan jarduten dau, Gotzainen azken Sinodoan landutako gaiari helduz.

Elizbarrutiko 16 Ikastetxeetako zuzendaritza taldeetako hirurogeita hamar kidek Juan Jose Goñiren eskutik Derioko Andrea hotelean ospatu dan “Barrikuntza ikastetxeetan” jardunaldi hezitzailean parte hartu dabe.

Bilboko Elizbarrutiak urteak daroaz pastoral erabarritzerako urratsak emoten. “Kristinau alkartearen bizitzaren isla diran pastoral arlo desbardinen artean, liturgiari be egiteko bikotxa ekarri deutso: pastoral barrutien barruan parrokia bakotxaren egoera kontuan hartuta, ospakizunen arloa berrantolatu”, azaltzen deusku Ana Berrizbeitia liturgiarako ordekaritzako kide eta Jaunaren Eguna ospatzeko elizkizunetarako elizbarrutiko arduradunak.

Katekesirako elizbarrutiko ordezkaritzak badaroaz urte batzuk bikaritzetan heziketa jardunaldiak eskaintzen. Aurton, irailaren 19an eta 22an ospatuko dira III-VII bikaritzetan (Bilbao) eta hil bereko 19, 21 eta 23an IV-V bikaritzetan (Gernika-Durango).

Bizian Gora elizbarrutiko jubilatuen mobimentuak alkar laguntza eguna ospatuko dau ekainaren 11n pasiotarren egoitzan, Oruen (Amorebieta-Etxano). Alkarraldiaren hasieran eukaristia ospatuko dabe eta, ondoren, bazkaria izango da. Aurton “zeozer gehiago kobratuko dogu”, dino Mila Egiguren antolatzaileetako batek. Batzen dan diru estra hori erbi-ezpana daben hirugarren munduko personei laguntzeko izango da. Mobimentuak zozketa bat be egingo dau diru gehiago batzeko.

1982an inguruko eleizbarrutiak, ibilpide bateratuan hasi ziran helduen katekesirako materialak prestetan. Handik urte batzuetara, diseinu barria etorri zan , eta katekesi aldia ondo bereiztutako zatietan banatzen hasi zan. Era horretara, katekesi heziketea eguneratu eta, era berean, katekista laikoen irudia zabalduz hasi zan. Sasoi barrietarako prestautako material horrek zabalkunde handia euki dau “sarritan etxean baino gehiago kanpoan” dino Lontzo Zugazagak. Liburuei azken zuzenketak egiten aurkitu dogu.