Zapatuan, otsailaren 20an, goizean hasi eta eguerdira arte HOAC (Ekintza Katoliko Orokorreko) eta ACGA (Nagusien Ekintza Katolikoko) 60 bat militante batu ziran Garizumako erreterioa egiteko. Kerman Lopez bikarioak eta kontsiliarioak gidatu eban hausnarketea Eubako pasiotarren egoitzan.

Benedikto XVI.a aita santu erretiratuak aldarrikatu eban Fedearen Urtea ospatzen dogula-eta, Galdakao Pastoral barrutiak (PB) bere ohiko programa aldatzea erabagi dau. Aurton, kredoa otoitzerako gida lez erabiliz egiten ari dira Garizumako batzarrak, izenburu honeen pean: Jaungoiko Aita; Jaungoiko Semea eta Jaungoiko Espiritu Santua.

Orain dala 60 eta 50 urte gure eleizbarrutian abade egin ziranek urteurrena ospatzen dihardue. Goizean Begoñako Gogarte Etxean alkartu dira Mauricio Martin Blanco karmeldarrak Jesusen Teresa Doneari buruz eskaini dauan hitzaldia entzuteko. Ondoren, alkar-mezea emon dabe, gotzaina buru dala eta, goizeko jardunaldiari amaierea emoteko senide bazkarian alkartu dira.

Jose Maria Arizmendiarrieta altarara goratzeko prozesuan dagoan eleizbarrutiko abadearen jaioterria dan Markina-Xemeinen hainbat ekitaldi ospatuko da aste honetan haren jaiotzaren mendeurrena gogoratzeko. Apirilaren 19an, domekaz, gotzaina buru izango da Eukaristia bitan. Lehenengoa, goizeko 11:00etan ospatuko da Markina-Xemeineko Andra Mari parrokian eta bigarrena, 12:15ean, Barinagako San Pedro eleizan.

Hogeta bost lagun inguruk parte hartu eban atzo ekonomia arloko boluntarioei zuzendutako elizbarrutiko egitasmoaren barruan sartzen dan heziketa eta informazino saioan. On Mario Izeta gotzainak berba batzuk esan ebazan batzarraren amaieran, euren esku jarten dan “egiteko garrantzitsu hau” eskertzeko eta bultzatzeko. Boluntarioen jarduna suspertzeko taldeak eratutako egitasmoak homogeneizatutako ekonomia eta informazino gestinorako sarea finkatu gura dau parrokietan.

Oraintsu dohatsu autortu dabela ospatzeko, atzo, domekea, otsailak 8, Jesusen Itsaropena Dohatsu eta Maitasun Errukitsuaren Mirabe eta Semeen ordenaren sortzailearen eguna, on Mario Izeta gotzaina buru izan zan katedralean ospatu zan Eukaristian.

Joachim Rego Aita birmaniarra da Jesukristoren Nekaldiaren kongregazinoko nagusi barria. Orain arte, Australiako Espiritu Santua Probintziako Probintzi-burua egon da kargu horretan. Bizkaian 30 pasiotar dagoz alkarte bitan bananduta: Orue-Euban eta Deustun.

Automobilgintzako eta Haur Hezkuntzak ikasle batzuk hasi dira 4L Trophy egitasmoa lantzen, ‘raid solidarioan’ parte hartu ahal izateko. Oraingoan hiru auto –Renault 4L markakoak- aterako dira otsailaren 19an Biarritzetik Marraquechera, Marokoko basamortuko herrixketako umeen artean banatuko daben eskola eta kirol materiala daroelarik.

Gaur, astelehena, uztailak 23, Berrizko Mesedeetako Misiolariek euren sortzailea dan Margarita Maria Dohatsuaren eguna ospatzen dabe. Bilboko Alde Zaharreko Tenderia kalean jaio zan Ama Margaritak Berrizko Mesedeetako Misiolarien Institutua sortu eban, Anboto parean, Berrizen dagoan klausurako monasterioa eraldatu ebalarik.

Bilboko Jaungoikoaren Ama Ikastetxeko lehen eta bigarren hezkuntzako eta batxilergoko 600 ikaslek gorriz eta zuriz jantzi dabe Begoñako Basilika, gaur goizez, Amatxuri urtero egiten deutsen bisitan.