Bizkaiko Caritasek Gabon aldiko jardunaldia ospatuko dau asteburu honetan, Carlos Bargos Bizkaiko Caritaseko zuzendariak gogoratzen dauanez, kontrakoa iragarten daben adierazle makroekonomikoak badagoz be, pobretasunak iraun egiten dau eta, kasu batzuetan, kroniko bihurtzen dihardu. Horregaitik, bere ustez, "guztiz garrantzitsua" da urteko egun guztietan alkartasuna erakustea, eta ez bakarrik kanpaina edo egun jakin batzuetan.  

Bilboko gotzainak, Hiroshimako katedralean bonbardeoaren biktimen alde gaur ospatu dan hiletan hartu dau parte. Bertan, hogei gotzain, abade batzuk, bizitza kontsagratukoak eta sinisdun ugari egon dira. Ondoren bakearen sustapenerako ekitaldi bat egon da eta bertan, on Mario Izetak, Bilboko Eleizbarrutiaren eta Gernikako parrokiakoakoen agurra zabaldu deutse bertaratu diranei. Gaur goizean Herri Irratia-Radio Popular emisoran gotzainari egin deutsen alkarrizketaren txatal batzuk dakarguz. Alkarrizketea osorik entzun gura izanez gero sakatu hemen .

‘Mundua mobiduten daben 24 ordu’ sentiberatasuna bizteko jarduerea suspertuko da Estaduan, mundura iluntasuna dakarren pobreziazko egoeretan eta bidebakokerietan argi egiteko. Hirugarren ekitaldi honetan, online parte hartzeko eta sare sozialetan alkarri eragiteko aukerea dago (#24hManosUnidas).

Aste Santuko eta Pazko asteko egun libreak aprobetxatuz, makina bat jente hurreratu da Eleizbarrutiko artxiboko geletara kontsultak egitera. Joan dan otsailetik aurrera, artxiboak ordutegi zabalagoa dau eta, ondorioz, astelehenetik barikura ikerketa-gelara joateko aukerea dago. Erabiltzaile gehienek sakramentu-erregistroak kontsultatzen dabez.

Khantoriako kideek (Virginia Gonzalo - Klabezina, Ander Berrojalbiz - Biolina eta Maider López - Biola)  hurrengo proiektuaren euskarri izango dan proiektua grabau dabe Eleiz Museoan. Maiatzean diskoa aurkeztuko dabe eta horretarako, 1743ko musika tresnea hartu dabe oinarritzat.

Hainbat konponketa- eta barritze-lan egingo dabe Justo eta Pastor Santuak parrokian, esate baterako: teilatu-hegalak barritu eta margotu, fatxadako kanpoko harria garbitu eta kapera eta sakristiako teilatua barriztatu.

Jesusen Santa Teresa Avilan jaio zan gaurko egunez 1515ean. Datorren urriaren 15ean emongo jake hasierea bere V. mendeurrena ospatzeko antolatu dabezan ekitaldiei eta datorren urtean amaituko dira. Luis Baraiazarra karmeldarrak santa honen idazkiak euskerara itzultzen dihardu eta programatutako ekintzak amaitzen diranerako lana burututa eukiko daualakoan dago. Guztira, 1.300 orrialde inguru izango dira. Karmeldarrak 2011n ekin eutsan lan honi.

Joaquim Ferreira Vianako (Angola Herri Errepublika) gotzaina hiru euskal gotzainakaz egon da, joan dan martxoan euskal misiolariak lurralde haretatik urten eta gero, misinoaren etorkizunari buruz solasean jarduteko. “Beste ikuspuntu bategaz alkarlanean jardutea” da asmo nagusia. Beste alde batetik, afrikar herrialdeetako bizitza politikoan Mandelaren eredu baketsua nagusitzea gurako leuke Ferreira gotzainak.

Kurso barria martxan jarrita, Karidadea eta Zuzentasuna Eleizbarrutiko Ordezkaritzak hilero Eleizaren Doktrina Sozialari buruzko esaldi bat bialtzeari ekingo deutso barriro be. Oraingoan, Gizarte Pastoraltzarako Espainiako Gotzainen Batzarreko Batzordearen agiri batetik hartutakoa da.

Karidade eta Zuzentasunerako eta Misinoetarako Eleizbarrutiko Ordezkaritzek eta Bilboko Eleizbarrutiko Caritasek dei egiten dabe botoa emon eta Europaren orain eta geroaren eraikuntzan parte hartu daigun. Kaleratu barri daben agirian jasoten danez, bat egiten dabe, Europa alkartasunez eta erantzukizunez jantzitako alkarte lez eratzeko Europar Batasuneko Gotzainen Batzarren Batzordeak egiten dauan eskariagaz.