ALKARTEA goiburupean, Galdakao Pastoral Barrutiko (PB) erreferentzia taldeak batu dira “belaunaldi desbardinetako jenteak alkar hobeto ezagutzeko, lanen, beharrizanen eta Jesusen urratsen atzetik joatean doguzan ametsen barri emoteko”, nabarmendu dau Nestor Díaz aitatutako PB horretako abadeak.

Bizkaiko Caritasek aita Kawas Francois jesuitek Haitin egiten diharduen lan sozialaren koordinatzailea konbidatu dau, lurrikara gertatu zanetik hiru urte igaro ondoren, Haitiko biztanleek bizi daben errealidade gordina ezagutzera emon daian. Aldi berean, aita Kawasek Portugaleteko udalak urtean hiru egitasmo solidariorako emoten dituan 52.000 euroak jaso ditu. San Inazio parrokiako zazpi boluntariok garatzen dabez egitasmo honeetako bi.

“Jaki-txartelen” egitasmoa orain dala hiru urte jarri zan martxan, “txartoen dagozan gizabanako eta familien beharrizanei aurre egiteko”. Hiru erakunde honeek beste urte batez luzatu dabe hitzarmen hori. “Txartel” bakotxak 30 eta 50 euro balio ditu.

Ede Fundazinoak, ikasturtean zehar hirugarren sektorean diharduen erakundeentzako programa bat baino gehiago garatuko dauz. Euren arteko lehenengoa urrian hasiko da eta honako gai hau jorratuko da: “Informazinoaren eta komunikazinoaren teknologiak sareko lanerako eta gizarte barrikuntzarako”.

Otxarkoaga Ikastegiko Hasierako Lanbide-Prestakuntza Egokiturako Programako ikasleek lehenengo saria irabazi dabe BBVA Fundazinoak antolatzen dauan ‘hamaika balio’ lehiaketan, Euskadin, bigarren hezkuntzakoen sailean.

Atzo, domekea, Bizkaiko Ekintza Katoliko Orokorrak (EKO-ACG) II. EKO Eguna, mobimentuaren eguna, ospatu eban Bilboko Artxandape Ikastolan.

Alemaniako Dresdeko hamar ikasle Durangon egongo dira datorren zapatura arte –martxoak 26- hartu-emonerako ekitaldian parte hartzeko. Gazteek hainbat jarduera izango dabe bertoko ikasle batzuekin, bonbardaketen ondorenak aztertzeko asmoagaz. Martxoaren 31n gogoratuko da herrian uriguneak bonbardatzeko hegazkintza erabilten aitzindarietako bat izan zan ekintza belikoaren 74. urteurrena. Dresdekoa, 1945ekoa, suntsiketaren eta gerraren ondorio ikaragarrien paradigma lez gogoratzen da. San Jose Jesuitak Ikastetxeak hiru ikasle alemaniar hartuko ditu.

Bilbo, Donostia eta Gasteizko gotzainek eta Iruña eta Tuterako artzapezpikuak agiri bateratua kaleratu dabe ETAren adierazpenaren aurrean. Talde armaduari behin eta betiko eta inongo baldintza barik desagertzeko eskatzen deutsie. Horra hor oharra bere osotasunean:

Eleizbarrutiko jabetzapean dagoan Ondarroako Nautika-Arrantza Ikastetxeak hezkuntza emoten deutse, ikasturte bakoitzean, ehun senegaldarrei. Afrikako herrialde horretako Itxas eta Arrantza ministroak atzo ekarri eutsen bere Jaurlaritzaren autortza eta eskerrona ikastetxearen arduradunei eta hezitzaileei, ikastetxean bertan ospatu zan topaketan. Bertan esku hartu eben Espainian Senegaleko enbaxadore dan Abas Ndiur-ek, Afrikako herrialde horretan Espainiako enbaxadore dan Jorge Toledok eta Eusko Jaurlaritzan arrantza kontseilari ordea dan Jon Azkuek.

Gaur arratsaldez, arratsaldeko zortzietatik aurrera, Xabier Larrañaga Deustuko Unibertsitateko eklesiologia irakasleak ekumenismoaren inguruko berbaldia eskeiniko dau Bilboko Corpus Christi parrokian, urtarrilaren 18tik 25era mundu osoan ospatuko dan kristinauen batasunaren aldeko otoitz astearen barruan.