Kristo Erregea egunaren inguruan, asteburu honetan, izen bereko parrokian, ekitaldi garrantzitsu bi ospatu dira.

Xaber Gaztelu Izagirre Sodupeko parrokoak zuzendutako Meatzalde Korua taldeak CIMAXUB-2011 ekitaldian 2. sarituari emoten deutsen Zilarrezko Baranda jaso barri dauan “Aguas portuarias, refugio de vida” pelikularen soinu-bandan parte hartu eban.

Asteburu honetan, “Enkarterrietako langabezia dala-ta” goiburudun idazkia banatzen dihardue Enkarterrietako mezetan. Bikaritza horretan eratu barri dan Gizarte Pastoraltzako taldeak idatzi dau testu hori, gaur egungo krisi egoerea aztertuz. “Ebanjelioek –dinoe oharraren hasieran- gehien sufritzen dabenei lagundu behar deutsegula dinoskue Hitzaren bidez baina guztion ongizatea lortzeko konpromiso morala be markatzen deuskue”.

Karmeldar Misiolariek Aita Francisco Palau Quer Sortzailearen jaiotzaren bigarren mendeurrena eta ordenaren fundazinoaren 150. urteurrena ospatzen dabez aurton. Begoñako Gogarte Etxeko arduradunak adierazo dauanez, “ekitaldi nagusia Zornotzako etxean izango da, martxoaren 20an, Gotzaina buru dala, ospatuko dan Eukaristian”.

Bizkaiko Caritasek kontuak zabaldu ditu azken asteetan Karibe aldetik (Kuba eta Haiti) igaro diran urakanek eragindako larrialdiari aurre egiteko.

Karidade eta Zuzentasunerako Eleizbarrutiko Ordezkaritzak, Misinoetarako Eleizbarrutiko Ordezkaritzak, Bizkaiko Caritasek, Euskalerriko Eskautak Bizkaia mobimentuak, Ekintza Katolikuko Langile Ermandadeak (HOAC) edo Esku Elkartuak erakundeak, besteak beste, bat egin dabe etorkin eta errefuxiatuen eskubideen aldeko europar ibiltaldia dala-eta zabaldu dan agiriagaz. Europako dozenaka herrialdetan bat egingo da datorren zapaturako, otsailak 27, aurreikusitako deialdiagaz. Bilbon, hain zuzen be, eguerdiko 12:00etan hasiko da ibiltaldia Arriaga plazan.

Bartzelonan jaio zan “gera zala-eta”, baina gurasoak Barrikan bizi ziran eta han igaro ebazan bere haurtzaroko uda gehienak. Euskaldun Unibersala izendatu eban Eusko Jaurlaritzak baina berak dino: “euskalduna naz eta baita salvadortarra be”. Gertutik bizi izan ebazan Romero gotzainaren, Ignacio Ellacuriaren eta “gaur egun hainbat lekutan errepikatzen dan” gerra haretan bizia galdu eben milaka herritarren hilketak. Pozik dago aita santuak Romero dohatsu autortzeko hartu dauan erabagiagaitik, gizatasuna dakarrelako eta “horren beharrean” gagozalako.

Eguerdiko hamabietan zabalduko da gaur Justo eta Pastor Santuak Jaiotzazaleen Alkarteak antolatutako jaiotzazaleen azokaren VI. ekitaldia. San Nikolas plaza txikian izango da, eleizaren ondoan eta metroaren Alde Zaharreko urteeran. Azoka hau astelehenera arte –abenduak 8- egongo da zabalik. Azokan, etxeetako jaiotzetarako irudiak eta osagarriak erosi ahal izango dira. Gainera, Gabon aldi honetan, Justo eta Pastor Santuak Jaiotzazaleen Alkarteak jaiotzetarako artikuluen denda txiki bat jarri dau Katedralari erantsitako lonja batean (sarrera Tenderia kaletik).

Jon Sobrino teologoa eta Juan Mari Aburto Gizarte Ekintzarako diputatua izan ziran hizlari atzo Arrupe Etxean, Caritasek antolatuta eta alkarte eta GKEen partehartzeagaz egin zan ekitaldian. El Salvadorretik iritsi barri dan jesuitak zuzentasunari buruzko ikuspuntua eskeini eban eta Bizkaian gizarte politikan arduradun nagusia danak alkarteen sarearen balioaz jardun eban.

Elizbarrutiko Teologia eta Pastoraltza Institutuak antolatuta ospatu dan berbaldien astearen azken egunean Isabel Matilla ekonomista eta antropologoak berbaldia eskatu eban atzo, “Espiritualtasun barriak, adiera barriak” goiburupean. Espiritualtasun molde barriak bilatzeak eta honeek gizartean izan daikeezan ondorioak izan ziran berbaldiko punturik nagusienak. Azkenean solasaldi aberasgarria biztu zan bertaratu ziranen artean.