Joan dan ekiturtean lez, on Mario Izeta buru izango da hileko hirugarren domeketan, katedralean ospatzen dan Eukaristian bokazinoen alde egingo dan aparteko Otoitzean.

Urduliztarrek eta Sopeloztarrek Santa Mariñe jaia ospatzen dabe gaur. Zaindariaren irudia, urte luzez gurtu dabe auzokideek. Urtean zehar Andra Mari eleizan egoten da baina atzo, ohitureari jarraituz, Jabier Berasaluze abadeak bere izena daukan baselizara eroan eban irudia, gaurko 12etako meza nagusian bertan egon daiten.

Asteburu honetan jarri dabe martxan “Begoñako Andra Mari” Irakasle Eskolaren web orrialde barria. Hauxe da, Maria Isabel Ariceta bertako zuzendariak nabarmendu dauan lez, orrialde honen funtsezko helburua: “eskolako partaide desbardinen arteko lankidetza bultzatu”.

“Ciudadanos y cristianos / Kristau eta hiritar” “kristinau sentituta, nahiz eta parrokiako taldeetan parte hartu ez, euren fedea bizitzea jagokun sasoi honetan bizitzako esparru desbardinetan zelan bizi galdetzen daben” pertsonei zuzendutako gogoetarako esparruak sortu gura dituan ekimen barria da, aitatzen dabe Institututik.

“Biziki bizi bizia” goiburua dakarre Hirugarren Adineko Pastoraltzakoek gaurtik domekara egingo dan Nagusi azokara. Bihar Bilboko gotzainak mezea ospatuko dau arratsaldeko 18:00etan pabiloian. Nagusi 2010ek egun bat gitxiago eukiko dau aurton baina zuzendari nagusiak, Xabier Basañezek adierazo dauanez, “beste urte batzuetako beste ekintza antolatu doguz”

Indarrean dagoan pastoral kursoa amaitzear dala, eleizbarrutiko erakunde batzuek prest daukie datorren ekiturterako programa. Eleizbarrutiko Teologia eta Pastoraltza Institutuak (ETPI) aurkeztu dau berea, pastoral asteaz, ikastaroez, jardunaldiez, tailerrez, erretiroz eta beste jarduera batzuez osatutakoa. Guzti horreek datozan hilabeteetan garatuko dira Barria eraikineko lokaletan (Plaza Barria, 4. Bilbao).

Hogeta hamahiru urte igaro dira Maria Pilar Zubieta eta bere senarra beste bikote batzukaz batera euren ezkontzaren zidarrezko ezteguak ospatzen hasi zirala. Ehunka senar-emaztek egin eban bat gaur egunera arte iraun dauan ekimen honegaz. Aurtengo ospakizuna bihar barikuz, maiatzak 23, izango da Begoñako basilikan arratsaldeko seietan. Eleizbarrutian, senar-emazteen lehenengo topaketa ospatu zan arte, emon ziran urratsak kontatzen deuskuz Maria Pilarek.

1963an, Basauriko Baskonia Mendi Taldearen sorreraren 50. urteurrena ospatzen zala-eta, Begoñako Amaren irudia eroan eben Bizkaiko mendi-gailurrik altuenera, Gorbeiako tontorrera (1.475 metro). Urte horretako ekainean ipini zan lehenengo irudia, Larrea eskultoreak egindakoa, Ontoriako harrizkoa, 60 zentimetroko altuera eta 40 kilotako pisua eukana eta 6.000 euro balio ebazana. Ekainean bertan, 23an, meza ospatu zan gailurrean, Luis Salazar abadea buru zala.

Pili Bilbao azken sei urte eta erditan buru izan da 40 boluntariotik gora dituan taldean. Maritxu Epalzak hartuko dau orain bere lekua behartsuenen aldeko laguntza, suspertze eta garapenerako Eliza Katolikoaren alkarte honetan. Presidente barriak 1994tik aurrera dihardu ‘Esku Elkartuak’ erakundean laguntzen.

Gaur, urtarrilak 28 –astelehena-, hasita ospatuko da Begoñako Basilikan Bizkaiko Abesbatzen Astearen XL. ekitaldia, otsailaren 8an, barikuz, emongo jakolarik amaierea. Kontzertu guztiak arratsaldeko zortzietan hasiko dira eta sarrera doan izango da.