Amoreieta-Etxanon ospatuko da gaurtik aurrera udalerriko eliza eta ermitetan egiten dan ganbara musikako kontzertuen urteroko zikloa. ‘Eleizetan’ zikloaren aurtengo egitarauan bost emonaldi izango dira eta hil honen 20ra arte garatuko da. Ergoiengo San Joan ermita txikian lehenengo aldiz ospatuko da kontzertua, hain zuzen be, maiatzaren 19rako programatuta dagoana.  

PB desbardinetako (Artxandape, Barakaldo Kanpoaldea, Barakaldo Erdialdea) Ekintza Katoliko Orokorra (EKO-ACG) mobimentuko, JOC mobimentuko, Gaztenahiakeko eta Kristinau Sarbideko 15 eta 20 urte bitarteko gazteen talde desbardinek “Estudios: ¡Con voz propia! Zure ahotsez!” kanpaina lantzen dihardue, Gazteen Elizbarrutiko Idazkaritzak Koordinatuta. Gaur, Barakaldoko Itxaropena parrokian batuko dira arratsaldeko 16:00etatik 18:00etara.

On Mario Izeta Elizbarrutiko Gotzaina izango da buru Aste Santuko ospakizunetan Santiago Katedralean. Eguenez, apirilak 21, Krisma-mezan eta Jaunaren Afarian; Bariku Santuz, Nekaldiaren ospakizunean; zapatuz, Pazko Bezperan eta domekaz Pontifize Mezan.

Arratiako herri honetako emakume batzuek bederatzigarren urtez jarraian antolatu dabe tonbola, dirua batzeko asmoagaz. Ekimen honen bitartez aurton batzen dan dirua parrokiako sakristia konpontzeak eragingo deutsiezan gastuetarako izango da.

Izendapena, Bikario Nagusiak presiditzen dauan Eleizbarrutiko Kultur Erakundeek suspertu dabe eta gaur zortzi, hilaren 30ean, Gizakunde elizan egingo dan ekitaldian banatuko da. Aitamena jasoko daben hiru personak honakoak dira: Felix Garcia Olano kazetaria, komunikazino arloan; Benito Ansola zinezalea, kultura eta fedearen esparruan eta Gurutzi Arregi Azpeitia etnografea, Elizaren Ondasun Kulturalak hedatzeko egin dauan lanagaitik. Ekitaldian izena emoteko sakatu hemen.

Joseph Mitsuaki Takami artzapezpikuak jaso dau Gernikako Andra Mari eleizan bonbardeoan apurtutako Amabirjinearen burua. Bakearen uriaren kontrako erasoan apurtu zan Mariaren Sortze Garbiaren erretaularen zati bat da gotzainak Nagasakira eroan dauana. Hondakinen artean osorik aurkitu eben gauza bakarra burua izan zan. Berau, gaur egun Andra Mari elizako kapera baten dago.

Atzo, Loiolan ospatzen diharduen Espainiako jesuiten Probintziako Kongregazinoan hurrengo Kongregazino Nagusian parte hartuko daben 6 jesuitak izendatu ebezan. Aitatutako Kongregazino Nagusi hori Erroman ospatuko da 2016.eko urriaren 2tik aurrera. Aukeratuen artean, Juan Jose Etxebarria eta Francisco Javier Alvarez de los Mozos bilbotarrak dagoz. Aitatutako bilkuran, gaur egun Jesusen Lagundiko nagusia dan A. Adolfo Nicolasen SJ ordezkoa aukeratuko dabela uste da.

Atzoko egunez ospatu zan minusbaliatuen aldeko nazinoarteko eguna. Minusbaliotasun fisiko eta organikoa dabenen aldeko Bizkaiko federazinoak Amaia Jauregi eleizbarrutiko irakasle eskolako (Begoñako Andra Mari) irakaslearen lana autortu eban, hezkuntzaren arloan aniztasun funtzionala agertzera emoteko ahaleginagaitik.

2011-2012 kursoa amaitzear dagoala, Elizbarrutiko Teologia eta Pastoraltza Institutuak (ETPI), prest dauka hurrengorako egitaraua.

Bilboko Corpus Christi parrokiako areto nagusian ospatuko da gaur, martitzena, otsailak 14, Jose Luis Villacorta elizbarrutiko abade eta Erlijinoen Historiako irakasleak emongo dauan heziketa ikastaroa.