Martxoa, hilebete misiolaria da Bilbao, Donostia eta Gast e izko Eleizbarrutietan . Gaur, martxoak 19, Eleizbarrutietako Misinoen eguna ospatzen dogu, aurton, “ Misinoa, senidetasuna da / La misión es fraternidad ” gaiari lotuta. Iaz, kanpainaren eguna konfinamentuaren hasieran gertatu zan eta aurton be gure jarduerak erabat baldintzatzen dituan egoeran ospatzea dagokigu eta horregaitik bide barriak bilatu behar izan dabez hartu-emonerako eta misiolari sustapenerako. Esate baterako, aurreko hiru asteetan ibilaldi misiolaria egin da. Ibilaldien, kanpainaren eta laguntzeko bideen inguruan gehiago jakiteko, e steka honetan klikatu.

Bilboko Eleizbarrutiak Aste Santurako lagungarri barriak argitaratu ditu ‘Adiskide eta senide. Comunidades acogedoras’ kanpainaren barruan. Hainbat jardunbide proposatzen da senidetasun eta adiskidetasunari lotutako errealidade zehatzak agertzera emoteko eta horreen inguruan gogoeta egiteko, ‘Fratelli tutti’ aita santuaren entziklika barria aintzat hartuta. Pertsona guztiek, baita “ triste, bakarrik dagozanek, eta arazoren bat dabenek” ere lekua izango dabenn “munduko mahairik handiena” prestatzea da, esate baterako, egiten dan proposamenetako bat. Bideoak, animazinoak, puzzleak,… eta hartzaileei egokitutako materialak aurkezten dira.

Hainbat erakundek (Bizkaiko Caritas, Ellacuria Fundazinoa, Bidesari, Itaka, e.a.) osatzen dauan Migrazinoetarako Bilboko Eleizbarrutiko Mahaiak, Migrazinoetarako Pastoraltzak, hainbat erakundek (Karidade eta Zuzentasuna, Ekumenismoa eta Fede-zabalkunde eta Katekesia) eta Afrikar eta Hego Amerikar alkarteek dei egiten dabe bihar, martxoak 21, Arrazakeriak eragindako Bazterketa Deuseztatzearen aldeko Nazinoarteko Egunez, antolatu daitezan jardueretan parte hartu daigun. Era berean, argazki eta esaldiak argitaratzeko dinoe, ondorengo hashtagaz baliatuz: #LuchemosContraElRacismo #FightRacism #ArrazakeriarenAurkaEgin

Begoñako basilika (18:00)

Gaur arratsaldeko zazpiak eta erdietan, Ana Maria Castillo Moreno idazlearen “Tiempos convulsos” liburua aurkeztuko da HOACen eskutik. Idazlea bertan dala egingo dan ekitaldia “Zoom” bidez egingo da (parte hartzeko, esteka eskatu behar da hemen: hoacbizkaiadifusion@bizkeliza.org ). “ España 1959-1980, apostaron por la paz, el amor y la dignidad” azpititulua daukan “Tiempos convulsos” eleberriak kontatzen dauan istorioa Euskal Herriko herri arrantzale batean gertatzen da eta Espainiako gerra osteari eta trantsizinoari bestelako begirada eskaintzen deutso alkarri lotutako istorioen bitartez eta euretan “pertsonaiek garaiko gizarteak ezartzen deutsezan egundoko oztopoei aurre egin behar deutse, batzuek bizia bera be galdu egiten dabelarik saiakeran”.

Gaur, martxoak 22, Uraren Nazinarteko Eguna, Esku Elkartuak erakundeak kontu honen inguruko datu eskandalugarria eskaini dau: hamar lagunetik hiruk ez dau edateko ura jadesteko zerbitzurik. Nazino Batuen datuak, gainera, bildurgarriak dira, horreen arabera, giza jardueretatik eratorritako ur zikinen %80tik gora inongo tratamentu barik isurtzen da itsasora edo ibaietara honeek kutsatuz. Desbardintasun honi aurre egiteko, azken bost urteotan Esku Elkartuak erakundeak ur eta saneamendu-sareen inguruan lan egiteko 147 egitasmo onartu ditu. Erakunde honen Bizkaiko ordezkaritzatik, saneamentu-sareak, osasuna, emakumeen eskubideak eta hezkuntza lehenesten dabez, besteak beste. Reyes Villanueva Esku Elkartuak erakundeko Bilboko ordezkaritzako presidenteak esker ona adierazi deutse erakundetik laguntzen deutsen herrialdeetan jarduten daben misiolariei, “eurak barik Esku Elkartuak erakundearen lana ez litzateke bardina izango”, esanez.

Labayru Eleizbarrutiko erakundeak zuzendari barria dau, hain zuzen be, Igone Etxebarria, aurrerantzean Batzorde Zuzentzaileko Presidente – Jokin Gorozika izan da kargu horretan- izango dan Adolfo Arejitaren lekua hartuz. Igone Etxebarria Labayruko zuzendariordea izan da azken hamaika urtetan, eta kargu barria onartzean adierazo dauanez, “Labayruk hainbat helburu zehatz dau etorkizunari begira eta horreek lortzen saiatuko naz”. Bere esanetan, “une gatxa bizi badogu be”, ilusinoz eta gogotsu dago euskerea eta euskal kultura ahalik lagun gehienengana eroateko eta ondare hori ahalik eta gehien hedatzeko.

Frantzisko Aita Santuak deitu dauan San Joseren urtean, Familia eta Biziaren Defentsarako Gotzain Azpibatzordeko gotzainek oharra prestatu dabe gaur, martxoak 25, ospatzen dan Biziaren aldeko Egunerako. Besteak beste, eutanasiaren arautzerako Lege Organikoaren proposamenaren inguruan jarduten dabe, izan be, euren esanetan, “biziaren jagole izan behar dogu, San Joan Paulo II.ak inoanez, ‘bizia, ondasuna da-eta’”. Gotzainen oharra, hemen .

Bilboko Kofradien Ermandadeak gaur ospatutako prentsaurrekoan jakitera emon dauanez, aurton Aste Santuan ohikoak diran kaleko prozesinoen ordez, eleizetan ospatuko dira Kurutze-bideak, indarrean dagozan osasun-neurri guztiak betez. Erramu-domekaz, Begoñako kofradiak ez dau Karidadearen prozesinoa ospatuko eta, horren ordez, Kurutze-bidea egingo dau Begoñako basilikan 18:15etatik aurrera. Kurutze-bidea zein ostean ospatuko dan Eukaristia, zuzenean emongo dira web orrialde honetatik.