Katekesirako ordezkaria izan da zazpi urtez eta gaur egun Ebanjelizazino eta Katekesirako Ordezkaritzan jarduten dau eta, kurso honetatik aurrera, ‘Los Ríos’ Eleizbarrutiko Misinoen aldizkariaren zuzendaria izango da. Erantzukizun honek zer dakartsan eta ze erronka izango dauan itauntzen deutsagu.

Markinako Bera Kruz eleizbarrutiko ikastolak urrezko ‘Q’ autormena jaso eban atzo arratsaldez Iñigo Urkullu Lehendakariaren eskutik Bilboko Euskalduna Jauregiko auditorioan bi mila lagun inguru batu zituan ekitaldian. Autormen hau ‘Euskalit’ Bikaintasunerako Euskal Fundazinoak emoten dau kudeaketan erakutsitako kalidadeagatik.

Bizkaia Irratia eta Herri Irratia elizbarrutiko irratiek irratsaio bereziak eskaini dabez aita santu barriaren aukeraketearen inguruan. Egun honeetan, irratiotan, ikuspuntu eta era desbardinetara jorratu dabe gaia: alkarrizketak elizbarrutiko gotzainari , bikario nagusiari edo zuzeneko konexinoak Vatikanotik. Ainhoa Larrazabal esatariak Inaxio Arregi jesuita eta Vatikano Irratiko albistegietako zuzendari ohiari egin deutso alkarrizketea.

Lagungo Fundazinoak eta Hezkuntza Orekatzailerako Bizkaiko Partzuergoak “Osatuz Egitaraua” sinatu eben atzo, hau da, eskola inguruan, buruko osasun arazoei lotutako jarrera larriak daukiezan ikasleei zuzendutako gizarte-hezkuntza-osasun egitarauaren hitzarmena.

“Bihozbarritea eta alkartasuna” goiburuaren pean ospatu dira Mater Misericordiae alkarteak antolatutako berbaldiak. Fededunen alkarte publiko honen egiteko apostolikoaren helburua hauxe da: prostituitzen diran emakumeei mundu horretatik urteteko “behar dabena” emotea eta euren beharrizanei aurre egiten laguntzea.

Sei hilabetez Galizian zehar egon ondoren, Francisco de Asoreyren “Nai de Door” eskultura etxera itzuli da, hau da, Eleiz Museora. Metro bi baino gehiagoko altuera dauan irudi ikusgarria da eta, Francisco Asorey bere egilearen heriotzaren 50. urteurrena dala-ta, Gonzalo Torrente Ballester Fundazinoak antolatutako erakusketan egon da ikusgai.

Gaurtik datorren barikura –urriak 21- arte, Elizbarrutiko Ikastetxeetako 17 zuzendariek Estatuko onenen artean dagozan ikastetxeetako batzuk bisitatuko dabez Madril eta Bartzelonan, “bikaintzat autortutako hezkuntza jarduerak ezagutzeko”, azaldu dau Miren Abasolo Ikastetxeetako Zuzendariak.

Elizbarrutiko Seminarioko arduradunez Akolitoen Elizbarrutiko Alkarraldia antolatu dabe beste behin be, aurtengoa IV. ekitaldia dalarik. Alkarraldi honen helburua –zehazten dabe- “era batera edo bestera, parrokietan, ikastetxeetan... liturgi animazinoan parte hartzen daben mutiko eta neskatoak batu eta konbinbentzia eta alkarbanatzerako eguna igaro daiela Gotzainagaz batera”.

Mundu guztiko Misinoen Domekea, DOMUND, izaten da mundu guztiko Eleizeak misiolarien ebanjelizatze ekintza gogoratzen dauana eta eurei euren lanean diruz laguntzen deutsena. Frantziako Lyonen aurkitzen dogu egun honen jatorria, 1882an, Paulina Jaricot gaztearen eraginez. Herriko langileak berotzen hasi zan astero diru apurtxo bategaz misinoei lagundu egieen. Mende bat geroago, Ekintza mundu guztiko herrialdeetan jarrita egoala, Pio XI.ak Eleiza katoliko osoaren espiritu eta diru laguntzarako legezko bide bihurtu eban, Eleizearen misiolari ekintzari laguntzeko.

Atzo, “Gizarte trebetasunak eta alkarlaguntza taldeko kirolean”eri buruzko ekiturtearen aurkezpenean, honako honeek berba egin eben: Caritas Bizkaia-ko Zuzendari Mikel Ruizek; Portugaleteko Kirol-zinegotzi Angel Anerok; Bakeola-EDEko Gorka Ruizek eta Oribeltza Saskibaloi Taldeko Jose Luis Zubizarretak. Aitatutako erakundeek garatzen diharduen egitasmo zabalagoan sartzen da ekiturte guzti hau. Hain zuzen ere, Portugaleteko Virgen da la Guía eta Ruperto Medina ikastetxeetan, 6 eta 13 urte bitarteko neskato eta mutikoek – gizarte baztertzearen arriskuan dagozan familietakoak euretariko asko – kirola erabilten dabe baita gizarte-integrazinorako eta kirolari dagokiozan balioetan heziteko ere.