Bariku arratsaldez, Bilboko Karmeneko Ama parrokiako areto nagusia inauguratu eta bedeinka tu eben, bertan egin dabezan lanen ostean eta gotzain biek parte hartu eben ekitaldian. Gainera, atzo –domeka-, azken urteotan parroko lanetan jardun izan dauan Kepa Agirreren agurra egin eben Lekeitioko Andra Mariaren Zeruratzea parrokian. On Mario Izeta eleizbarrutiko gotzaina buru zala ospatu zan Eukaristian, ondo etorria egin jakon aurrerantzean parroko izango dan Jose Agustin Maiz IV-V bikaritzetako gotzain bikarioari. Beste alde batetik, atzo, Etorkin eta Errefuxiatuaren Munduko Egunez, kurtsoko lehenengo Meza latinoamerikarra ospatu eben Bilboko San Luis Beltran parrokian.

#Eragile gizalegezko lanaren alde goiburuaren haritik, datorren urriaren 7an Eleizak, sindikatuakaz eta gizarteko erakundeakaz batera, Gizalegezko Lanaren aldeko Munduko Eguna ospatuko dau. Eleizbarrutiko Langile Pastoraltzak dei egiten deusku “ERAGILE, GIZALEGEZKO LANAREN ALDE” ekimenean parte hartu daigun. Horretarako, esteka honetatik sartu gaitekezan Langile Pastoraltzaren web orrialdean aurkituko dogun dortsala inprimatu eta aldean jarri daikegu, eta ibiltera, korrika egitera, pedalei eragitera… atara gaitekez, argazkia egin eta posta elektronikoz ( pastoralobrera@bizkeliza.org ) edo whatsappez (605764775) bialdu, zenbat kilometro egin dan adieraziz, urriaren 7ra arte . Gizarte sareetan argitaratuko dira “gizalegezko lanaren alde” egindako argazki eta kilometroak. Horrezaz gainera, urriaren 3an, zapatuz, egindo dan “gizalegezko lanaren aldeko” paseoagaz be bat egin daikezu. Goizeko hamaiketan, Areatzako kioskotik atarako dira ibilbide hau egiteko: Areatza, Campo Volantin, Aita Arrupe zubia, Doña Casilda parkea, Gran Via, Areatza.

Hilaren azken eguaztenez ohikoa danez, ‘Bizkaia isilik’ ekimenak sustatutako bilkurak egingo dira etorkin eta errefuxiatuek jasaten dabezan bidegabekeriak salatzeko. Aldi berean, zazpiak eta erdietan, hainbat herritan egingo dabez bilkurak ohiko lekuetan eta Bilboko bilkura bakarrik aldatuko da lekuz, Arriaga antzokiaren aurreko plazan ez ezik Areatzako kioskoan egingo da-eta. Portugaletaen, Gregorio Uzquiano kalean; Durangon, Andra Mari eleizpean; Barakaldon, Bide onera plazan; Galdakaon, Iturriondo plazan eta Balmasedan, San Severino plazan.

Atzo, irailak 29, musikaren bidez gizarte eraldaketa bilatzen dauan gizarte-hezkuntza ekimeneko presidente dan Miguel Angel Esnaola Eleizbarrutiko abadea Madrilen izan zan atzo, ‘Etorkizuna musikatan’ San Frantzisko auzoko taldea eratu barriari atxikitzea ekarri eban ekitaldian. Gizarte musika sareak Gobernuko Presidentetzaren menpe dagoan Umeen Pobretasunaren Aurkako Borrokarako Goi Ordezkaritzaren babesa dauka eta Madril, Bartzelona, Zaragoza, Bilbao eta Gasteizko musika-gizartea hirugarren sektoreko zortzi erakunderen bultzadari esker sortu da. Bizkaiko egitasmoa, San Frantzisko auzoan sortu zan 2013an, Norai alkartearen eskutik, askotariko kultura, hezkuntza, erlejino… eremuak sortzeko eta “desbardin eta anitzaren aberastasuna” b aloratzeko helburuagaz.

Urriaren 7an gizalegezko lanaren aldeko munduko eguna ospatuko dotu eta hori dala-eta, On Mario Izeta Bilboko gotzainak eta On Joseba Segura gotzain laguntzaileak gutuna idatzi deutse Eleizbarrutiari, besteak beste, hauxe aldarrikatuz: “Jainkoak bere seme eta alabentzat amesten dauan lez, senide-maitasunean bizi dan gizartea eraikitzeko, ezinbestekoa da desbardintasun sakonak saihestea eta makina bat norbanako eta gizatalde baztertuta edo pobretasunera kondenatuta geratzeko arriskua gainditzea”. Gotzainen ustez, helburu hau lortzeko bitartekorik eraginkorrenetakoa “lan duinerako eta garapen profesional egokirako aukerak sustatzea” da. Idazkia osorik, hemen .

BAM Irakasleen Unibertsitate Eskolak Derioko ‘Seminarioa’ eraikinean ekin deutso 2020-2021 ikasturteari. Gaur ziran egitekoak VIII. promozioko graduazio ekitaldia, baina osasun arloko murrizketak dirala-eta, bertan behera iztea erabagi dabe. Bilboko kokapenetik lekualdatu ondoren, jardunean dihardue lokal barrietan. Santi Larrañaga zuzendariaren esanetan, “ikasturte honetako lehentasunetako bat osasun-neurriak ziurtatzea eta betetea da, irakaskuntza ahalik eta seguruen, berme guztiakaz eskaini ahal izateko”.

‘Gure grina’ alkarteak eta inguruko auzotarrek Karrantza bailarako Soscañoko eleiza zaharbarritzen dihardue. Urtean zehar hainbat obra egin izan dabe, garrantzitsuena abuztuan. Eraikina finkatu ondoren, orain beste konponketa batzuk egiten dihardue. Gaur egun, tramiteak egiten dabiliz, Eusko Jaurlaritzak eleiza hau monumentu-multzo interesgarri lez autortu daian.

Pili Castro nagusien sailaz arduratzen da Bizkaiko Caritasen. Gaur, egun esanguratsu honetan, gure aitite-amamen egunean, joan dan irailaren 28an

Udaldiaren ostean, kalean da eleizbarrutiko aldizkariaren lehenengo alea, formatu digitalean. Datozan egunetan etxeetara eta eleizbarrutiko parrokia eta erakundeetara helduko da aldizkariaren 269. alea, urriari dagokiona, paper-euskarrian. Hilebete honetako agerkarian, ‘Goazen 2020’ ekiturtearen hasierako ekitaldia nabarmentzen da: pastoral kurtsoari hasiera ofiziala emonez gotzainak esan ebazan berbak eta kurtsoan zehar lantzeko proposatu diran lagungarrien aurkezpena gotzain laguntzailearen eskutik. Ekitaldian jardun eben Jose Maria Rodriguez Olaizola jesuitaren eta Eva Fernandez Ekintza Katoliko Orokorreko presidentearen hausnarketak be jasoten dira. Horrezaz gainera, beste hainbat konturen ingurukoak irakurri daitekez, besteak beste: arduradunaren aldaketa Migrazinoetarako Pastoraltzan; katoliko txinatarren errealidadea Bizkaian; bizilekurik ez daukien gazteei zuzendutako Caritasen egitasmoa Gogarte Etxean; Elorrioko Jaione Lopezen misiolari esperientzia Kaikorren (Kenya).

Gaur, urriak 6, eguerdiko 12:00etan, aldi berean iragarri da Erroman, Bilbon eta Burgosen, Frantzisko aita santuaren erabagiz, On Mario Izeta Bilboko gotzainaren izendapena Burgoseko Artxidiozesiko metropoli-artzapezpiku lez. Bere ministerioari hasiera emoteko eleizkizuna datorren abenduaren 5ean ospatuko da Burgoseko katedralean. Aurreko zapatuz, azaroak 28, esker oneko Eukaristia ospatuko da Bilboko katedralean. Artzain gernikarrak, Bilboko Eleizbarrutiari eta Burgoseko Artxidiozesiari zuzendutako mezuan, eskerrak emoten ditu Bizkaian, ministerioan emon dituan 12 urteengaitik eta “ Burgoseko Metropoli-eleiza ospetsu eta beneragarria gorpuz eta arimaz ” zerbitzatzeko nahia agertu dau. Gotzainak Administratzaile apostoliko lez jarraituko dau Bilbon, Burgosen bere ministerioari ekin arte.