Jose Maria Urlezaga Errigoitiko semeak Arratzun emon eban bere bizitza pastoralaren zati handi bat, Belendizeko San Pelayo eta Santo Tomas parrokietako eleiztarrakaz. Busturialdean, “danei laguntzeko eta gaixoen ondoan egoteko prest egoan” gizona zala dinoe. Gazteengandik gertu egoan eta “ katekesia emoten eutsen edo sendotza hartzeko prestatzen ebazan”; nagusiengandik be gertu egoan, “domekero Gernikako Torrezuri egoitzan egozanak bisitatuz”. Gernikako mesedetakoen eta klaratarren kapilau izan zan. 2013an, osasun-arazoek eraginda, Begoñako Beneragarrien Etxera joan zan eta hantxe hil zan joan dan domekaz, abuztuak 30. Gaur, irailak 1, bere arimaren aldeko hileta-eleizkizuna ospatuko da Gernikako Andra Mari eleizan, arratsaldeko zazpietan.

San Antolin eguna dala-eta, gaur –irailak 2, eguaztena- Meza Nagusia ospatuko da arratsaldeko zazpietan, Irauregin (Alonsotegi). Honen ostean, 19:45 inguruan, aurretik eleizkizunean parte hartuko dauan Bilboko Katedraleko musika-kaperak (abesbatza eta ganbara-orkestra) kontzertua eskainiko dau. Aurton, ezohiko eran eta osasun-segurtasunerako arauak betetze aldera, San Bartolome parrokian ospatuko da Meza, San Antolin eleizan jente gitxi (18 lagun) sartzen dalako eta eraikinak ez dituelako baldintzak beteten aireztatze eta lekuari dagokionez.

Gaur, irailak 1, hasi eta datorren urriaren 4ra arte, hainbat jarduera eta otoitz egingo da kreazinoaren alde . Bilboko Eleizbarrutiak bat egin dau orain dala berrogeta hamar urte Lurraren Eguna aldarrikatu zala gogoratzeko antolatu dan Eleizaren ekimen honegaz. “Kreazinoaren Zaintzaren aldeko Munduko Otoitz Egunak” emongo deutse hasiera aitatutako jardunaldi honeei .

Jesus Ruiz Madrileko Medinacelliko Jesusen Basilikako organista titularraren kontzertua Indautxuko Karmeneko Ama eleizan, 20:00etan.

Tolosako Xabier Darasse lehiaketan 1. saria jadetsi eban Anne-Gaëlle Chanonen emonaldia Santutxuko Karmelo eleizan, 20:45etan.

Valentin Fheodoroff Vienako Beethoven Nazinoarteko Lehiaketako irabazlearen emonaldia Begoñako basilikan, 20:00etan.

Donostiako Kontserbatorioko organo-katedraduna izan zan Esteban Elizondok jardungo dau San Felicisimo eleizan, 20:00etan

Ospakizuna, Gotzaina buru dala, Katedralean (12:00) Ospakizun guztiak zuzenean jarraitu ahal izango dira eleizbarrutiko web orrialdean (www.bizkeliza.org) eta Radio Popular-Herri Irratian eta Telebilbaon.

Krisma-meza (12:00) Jaunaren Afariaren ospakizuna Eguen Santuan (17:00) (Gotzaina buru dala) Ospakizun guztiak zuzenean jarraitu ahal izango dira eleizbarrutiko web orrialdean (www.bizkeliza.org) eta Radio Popular-Herri Irratian eta Telebilbaon.

Jaunaren Nekaldiaren ospakizuna Bariku Santuan (17:00) (Gotzaina buru dala) Ospakizun guztiak zuzenean jarraitu ahal izango dira eleizbarrutiko web orrialdean (www.bizkeliza.org) eta Radio Popular-Herri Irratian eta Telebilbaon.