Atzo hasi eta gaurko egun osoan ospatzen dihardue “ Euskal Herriko Katolikoak eta bizitza publikoa ” jardunaldiak online formatuan. “Heziketak axola dau” goiburuaren haritik garatuko dira aurtengo berbaldiak eta hasierako ekitaldian On Joseba Segura Eleizbarrutiko gotzain administratzaileen agurra jaso eben. Honen esanetan, ikastetxeetan eskainitako heziketaren kalitatea garrantzizkoa da, izan be, “guztiz garrantzitsua da jakintzagai eta planteamendu desbardinen bidez helarazten dan mezua, inongo zalantza barik, humanista izan behar dauan mezua. Garrantzizkoa da, batez be, guri dagokigun tradizino erlijioso kristautik, katolikotik”. Jardunaldien inguruan gehiago jakiteko: hemen .

Arratiako Caritasek zidarrezko ezteguak ospatzen ditu aurton eta, hori dala-eta, hainbat jarduera prestatu dau, besteak beste, martxoaren 2tik 14ra Igorreko Lasarte kultur-etxean ikusgai egongo dan erakusketa . Carlos Bargos Bizkaiko Caritaseko zuzendariak emongo deutso hasiera erakusketa honi datorren martizenez, martxoak 2, arratsaldeko zazpietan.

Hilaren azken eguaztenez ohikoa danez, ‘Bizkaia isilik’ ekimenagaz bat egiten daben pertsonak kalera atarako dira, beste behin be, etorkin eta errefuxiatuek jasaten dabezan bidegabekeriak salatzeko. Otsaileko bilkura isilean, pertsonen salerosketaren biktimak izango dabez gogoan. Azken hilebete honeetan, ‘Bizkaia isilik’ ekimenaren eskutik egiten diran bilkuren formatu aldatu egin da, unean uneko osasun murrizketak kontuan hartuta. Gaur arratsaldeko zazpiak eta erdietan, bilkurak egingo dabez Bilbon (Areatzako kioskoa), Galdakaon (Iturrondo plaza) eta Durangon (Andra Mari eleizpea) eta Balmasedan, Portugaleten eta Barakaldon, online modalitatean batuko dira. Bilboko bilkura kulturarteko taldeek antolatzen dabe eta ezinbestekoa da ohiko segurtasun neurriak betetea: lagun arteko tartea, maskara eta eskuak garbitzea.

Bihar –zapatua-, Ekintza Katolikoko Bizkaiko mobimentuek (HOAC, EKO, JOC, FRATER, JEC) Garizuma aldiko erretiroa ospatuko dabe, ‘zoom’ plataformaren bitartez, 10:00etatik 13:00era. Saioan, bakarka zein taldean egiteko uneak izango dira eta Jose Luis Iglesias (Pepelu) abadea izango da laguntzailea.

Martxoaren 19an ospatuko da Euskal Eleizbarrutietako Misinoen urteroko kanpaina , aurton, “Misinoa senidetasuna da / La misión es fraternidad” goiburuaren haritik eta Frantzisko Aita Santuaren Fratelli tutti entziklika gogoan. Hemen konektatu.

Datorren martxoaren 8an, Emakumearen Nazinoarteko egunez, Bilboko Eleizbarrutian hirugarren urtez jarraian ospatuko dan ekitaldi publikoan, 8 emakumeri autormena egingo jake. Aurtengo ekitaldian, gaixotasuna gertu-gertutik bizi daben eremuetan urtebetetik gora gorputz eta arima lan egiten egon diran 8 emakumeren jarduna autortu gura da. Aurton, Indautxuko Karmeneko Ama parrokiako areto nagusian egingo da jarduera, jente-kopuru mugatuagaz, eguerdiko 12:30etan. Web orrialde honetatik zuzenean emongo dan eitaldian Eleizbarrutiko gotzain administratzailea izango da buru eta Alfre Elgezabal Bizkaia Irratiko esatariak aurkeztuko dau.

75 urte beteten dira HOAC sortu zanetik. Hori dala-ta gaur, arratsaldeko zazpiretan, esker oneko mezea ospatuko da Santiago katedralean. On Joseba Segura, Elizbarrutiko gotzain administratzailea izango da meza burua ekitaldian.

Joan dan zapatuz, otsailak 27, HOAC mobimentuaren 75. urteurrena ospatu zan Santiago katedralean. Katedralera joan ziran pertsonez gainera, gura eban guztiek jarraitu ahal izan eben eleizkizuna zuzenean web orrialde honen bitartez . On Joseba Segura Eleizbarrutiko gotzain adminstratzailea buru zala ospatu zan Eukaristia eta alkar-meza emon eben HOAC mobimentuari lotutako Jose Luis Iglesias, Roman Bilbao eta Juan Maria Lechosa abadeek.

Bilboko gotzain administratzaileak 'Adiskide eta Senide-Comunidades Acogedoras' Garizumako kanpainaren bigarren berbaldi publikoa eskaintzen dau. Lehenengoa, Imanol Zubero soziologoak emon eban eta oraingo honetan, on Joseba Segurak Aita Santuaren Fratelli tutti entziklikan oinarritutako bost proposamen dakarz aldi honetarako. Bere esanetan, "burua eta bihotzak zabaldu behar dira, doakotasuna berreskuratu behar da, alkartera bihurtu behar da, benetako alkarrizketarako prestatu behar da eta senidetasuna espiritualtasunean elikatu behar da". Berbaldiagaz batera gaur goizeko hamarretan hausnarketa errezteko materiala eskainiko da. Hitzaldia Herri Irratia n entzun ahal izango da martiaren bostean, arratsaldeko lauretan.

COVID-19ak danok zigortu gaitu, baina emakumeek bi halako jasan dabe. Pandemiak langabezia erara itzi deuskun arrasatoa: emakumea, ikasketa bakoa eta 25 urtetik beherakoa.