Urtebete beteten da gaur lurrikara batek Haiti eta mugako inguru batzuk suntsitu ebazanetik. Berrehun milatik gora izan ziran hildakoak eta hiru miloi baino gehiago, era batera edo bestera, kaltetutakoak. Elizbarrutiko Caritasek berbaldia antolatu dau “Haiti, lurrikaratik urtebetera” goiburupean. Ekitaldia Karmeneko Ama parrokiako areto nagusian izango da datorren barikuan, urtarrilak 21, arratsaldeko 17:00etan. Aita Serge B. Chadic Haitiko Caritaseko Zuzendaria izango da hizlaria.

Datorren domekan, ekainaren 13an, EKO-ACG-ek (Ekintza Katoliko Orokorra-Acción Católica general)-ek mugimenduaren lehenengo jardunaldia ospatuko dau, 2009aren ekainean Eleizbarrutian eratu zanetik. Anai Menesiatarren Portugaleteko Andra Mari ikastexean izango da alkarraldia, Lanak! Laguntzeko prest/Estamos en obras, nos echas una mano? goiburupean.

Elizbarrutiko Teologia eta Pastoraltza Institutuak (ETPI) irailean ekingo deutse ekiturteko jarduerei. Beste urte batez, makina bat jardunaldi, mintegi eta ikastaro egingo dira. Hasteko, fedearen zabalkunderako jardunaldiak ospatuko dira irailaren 21etik, astelehena, 23ra, eguaztena, Vicente Vide eta Peio Sánchezek zuzenduta.

Irailaren 15etik –astelehena- 20ra –zapatua-, 18 eta 27 urte bitarteko 13 gaztek ume, gaztetxo eta gazteei fedea transmititzeko “Gazte perfila” deritzan heziketa eta gaitze ikastaroa egiten dihardue Portugaleteko Familia Santua parrokiak Labeagan (Lizarra) dauan etxean.

Zapatuan, 1.500 lagun inguruk bakearen aldeko konpromisoa erakutsi eben 5.000 globo inguru askatuz Bilboko Arriaga antzokiko plazan. Hogeita lau urte daroaz Itaka-Eskolapioak Fundazinoak ekitaldi hau Gandhiren heriotzaren urteurrenaren inguruan egiten.

Xabier Aierdi soziologo eta Immigrazinoaren Ikerketarako Laborategiko (Begirune) zuzendariak eskaini eban atzo berbaldia “Pobretasunaren arpegi barriak” goiburupean ETPIak antolatuta ospatzen ari diran jardunaldietan. Irakasleak, immigrazinoaren, krisi ekonomikoaren eta herritarren arteko bizikidetasunaren arteko lotura konplexuak aztertu ebazan bere jardunean. Gaur egungo egoera sozialak erronka barriak aurkezten deuskuzala eta immigrazinoa “gure kontraesanak” aztertzeko espilu ona dala esan eban.

Najako Karidadeko Jesusen Mirabeen monjek Kapitulu Nagusia ospatzen dihardue egun honeetan, gai desbardinak aztertzeko eta karguak barritzeko. Aurton, Ama sortzailearen heriotzaren mendeurrena ospatzen dan urtean, hamazazpi herrialdetan dagoan kongregazinoaren berrogei ahizta ordezkari batzartu dira.

Kalean da Euskalerriko Eskautak mobimentuak argitaratzen dauan agerkariaren iraileko alea. “Familia ingurua gehiago ezagutu” gaia da nabarmentzen dana. Honen haritik, taldeetako hezitzaileek hezkuntza eskemaren barruan dagoan “ardatz sozializatzaile nagusiagaz” daukien hartu-emonaren inguruan galderak egiten dabez.

“Krisi ekonomikoaren bosturtekoa beteko da eta, krisiak aurrera egin ahala, galdera barriak sortzen dira”, nabarmentzen dabe Barandiaran Kristau Elkarteko (BKA) kideek mintegi honen aurkezpenean. Bertan, besteak beste, hauxe aztertu gura dabe: Elizearen jarrerea; krisialdiak Europaren etorkizunerako izan leikezan ondorioak eta ekonomiaren gaur egungo egoerea, jokoan dagozan balioak nabarmenduz.

Espainiako Caritas, Caritasen nazioarteko sareagaz koordinatuta, martxan jarri da, Haitiko Caritasi laguntzeko bart Haiti astindu eban lurrikara gogorraren eraginez kaltetuta suertatu diran milaka lagunei sorospena helduazoteko. Jasotako lehenengo barrien arabera, Richter eskalan 7 graduko indarrera heldu zan lurrikararen epizentroetako bat Haitiko hiriburua dan Puerto Príncipetik 15 kilometrotara hego-mendebaldera kokatu zan eta beste bat Barahona hiritik 143 kilometrotara ipar-mendebaldera, Errepublika Dominikarretik hego-mendebaldera. Lehenengo lurrikara bortitz honen ostean, errepllika bi izan dira, 5,4 eta 5,9 gradutakoak hurrenez hurren, eta Haitiko hiriburua astindu dabe barriro ere. Hondamendia ikaragarria da eta Puerto Príncipeko ehunka eraikin eraitsi egin da, tartean ospitale bat. Era berean, Nazio Batuen egoitzak, Presidentearen Jauregiak eta Puerto Príncipeko katedralak kalte larriak jasan dabez.