Automobilgintzako eta Haur Hezkuntzak ikasle batzuk hasi dira 4L Trophy egitasmoa lantzen, ‘raid solidarioan’ parte hartu ahal izateko. Oraingoan hiru auto –Renault 4L markakoak- aterako dira otsailaren 19an Biarritzetik Marraquechera, Marokoko basamortuko herrixketako umeen artean banatuko daben eskola eta kirol materiala daroelarik.

Gaur, astelehena, uztailak 23, Berrizko Mesedeetako Misiolariek euren sortzailea dan Margarita Maria Dohatsuaren eguna ospatzen dabe. Bilboko Alde Zaharreko Tenderia kalean jaio zan Ama Margaritak Berrizko Mesedeetako Misiolarien Institutua sortu eban, Anboto parean, Berrizen dagoan klausurako monasterioa eraldatu ebalarik.

Bilboko Jaungoikoaren Ama Ikastetxeko lehen eta bigarren hezkuntzako eta batxilergoko 600 ikaslek gorriz eta zuriz jantzi dabe Begoñako Basilika, gaur goizez, Amatxuri urtero egiten deutsen bisitan.

Politikoek eta kazetariek alkar hartzen dabela, emoten deuskuen informazinoa kutsatuta dagoala eta gitxiengoak sortzeko eta banaketea eragiteko joerea dagoala nabarmendu ziran, Elizbarrutiko Caritasek eta Etxebizitza eta Gizarte Gaietarako Sailak antolatuta, Guggenheim Museoan antolatu zan “Gizarte Bazterketea eta Komunikabieak” jardunaldian aurkeztu ziran lehenengo txostenetan. Bide barriak sortzeko eta hedabide publikoentzako kode deontologikoa eta kontrol sistema garatzeko aukera azaldu zan balizko konponbide lez.

Adin guztietako pertsonek leporaino bete eben atzo aretoa, Jose David Urchaga psikologoari entzuteko. Elizbarrutiko Teologia eta Pastoral Ikastegiak (ETPI/IDTP) “Ardo barria zahagi barrietan” goiburupean ospatzen diharduen asteko hirugarren jardunaldian gazteei balioak transmititzerakoan somatzen dan krisiaz jardun eban, “balio barriak, gazteria garria” berbaldian.

Bizkaiko Eliz Artxibo Historikoaren web orrialdean miloetik gora sakramentu-erregistro kontsultatu daitekez. Bizkaiko parrokia guztietan bateatuta dagozan eta 1900. urte aurreko dokumentazinoa dabenen datuak dira.

Arrigorriagako Santa Maria Magdalena parrokia (20:00)

6, 13 eta 20an (eguenak) "Parrokia txikien eraldaketa" Antolatzailea: Eleizbarrutiko Teologia eta Pastoraltza Institutua (ETPI) Saio bi: 10:30 eta 19:00

Pasiotarren Eubako (Zornotza) etxean, 10:00etatik 19:00etara. Gaia: "Soiltasunez bizi beste batzuk, beste barik, bizi daitezan" (Caritaseko kideek lagunduta). Izena emoteko: eko-acg@barria.net / 665 703 139,

Santiago Katedraleko klaustroan (Urtarrilaren 13ra arte)