Agenda
Alkarte afrikarraren meza
San Anton parrokian (Erribera, 24. Alde Zaharra. Bilbao) (17:00)
Alkarte afrikarraren meza
San Anton parrokian (Erribera, 24. Alde Zaharra. Bilbao) (17:00)
Kristauen Batasunaren aldeko Otoitz Astea
(Del 18 al 25 de enero)
Domingo 24 enero: celebración ecuménica en la catedral
Hil bezperan grabatu eban
Eleizbarrutiaren historiari buruzko azken kapitulua argitaratu da, Angel Mari Unzuetak aurkeztuta
Azto argitaratu zan eleizbarrutiko aldizkaria euskarri digitalean eta jorratzen dituan gaien artean, apartekoa da bat. Eleizbarrutiak bere sorreraren 70. urteurrena ospatu dauala-eta egin diran grabazinoen azken kapitulua, Angel Mari Unzueta bikario nagusi ohiak hil bezperan, joan dan azaroaren 14an, grabatu ebana. Honako honegaz batera ikusi daiteken bideoan hamarkada honetako lehenengo urtearen, gertaera nagusiak jasoten dira, hain zuzen be, pandemiaren egundoko eraginak eta honek Bizkaiko Eleizari aurkeztu deutsazan erronkak. “Argi luzeak eta atzerako ispilua” goiburuak emoten deuskuz egilearen hausnarketaren nondik norakoak. Bere esanetan, gaur egungo egoera “diaspora” lez definitu daiteke, baina ezinbestekoa da Espirituaren bideak bereiztea “Jaunaren agindua leial beteteko”.
Eleizbarrutiaren youtube kanalean aurkitu daikeguz Bilboko Eleizbarrutiaren historiaren kapitulu guztiak, hamarkadaka garatutakoak. Komunikabideeetarako Eleizbarrutiko sailak sustatu eban lan hau, Angel Mari Unzuetak gidoiak eta aurkezpena eginda eta Eleizbarrutiko Artxiboaren laguntzeagaz koordinatuta garatu da, hain zuzen be, Bilboko Eleizbarrutiaren 70. urteurrena ospatu eta bere historia ezagutzera emoteko.
Kanpaina solidario honetan, 5.000 lanabes bialdu gura dira
Bederatzi euroren truke, aitzur bat bialduko da Afrikara
“Mufungaren adiskideak” alkarteak, Euskal Eleizbarrutietako Misinoakaz eta Goikuria Fundazinoagaz batera, urteak daroaz kanpaina hau sustatzen: Afrikara aitzurrak bialdu, hain zuzen be, Kongoko Errepublika Demokratikoko hego –mendebaldean kokatutako Katanga lurraldeko Mufunga, Bunkeya eta Kanseniako nekazarientzat. Sustatzaileek azaltzen dabenez, “Aitzur bat Afrikarako” kanpaina honen helburua, “Katangako familia bakar bat be lanabes hau barik ez iztea da, horri esker lurra landu eta jakiak lortu daikiezalako”. Legazpiko ‘Herramientas Bellota’ etxeari 5.000 aitzur egiteko agintzen jako, gitxiago egin ezkero garesti ataraten diralako. Aitzurren kostuari lurretik eta itsasotik garraiatzeak daukan kostua gehitu ezkero, aitzur bakotxak 9 euro balio dau.
MULTIMEDIA
ALKARREN BARRI
MasNoticias
EKO-ACG Bizkaiko mobimentuak “itxaropena landu” eta “gauza txikien balioa” nabarmendu gura dau
Asteburu honetan, EKO-ACG (Ekintza Katoliko Orokorra), HOAC mobimentuetako Bizkaiko ordezkariek eta Eleizbarrutiko laikoek Abendu aldiko erretiroa ospatu dabe. Josema Incierte EKO-ACG mobimentuko Bizkaiko presidenteak azaldu dauanez, “Abendu aldi honetan, gure artean gizon egin dan Jainkoagaz bat...
Eleizbarrutiko aldizkarian, agurrak eta egitasmo barriak
Gaur argitaratuko da ‘Alkarren Barri – Comunicación’ aldizkariaren abenduko alea euskarri digitalean, beti lez Bizkaiko Eleizaren bizitzako hainbat gertaera jasoz. Agurrak nabarmentzen dira urteko azken ale honetan: pandimiak jotako urtearen amaiera; Eleizbarrutiaren sorreraren 70. urteurrena...
Indarrean sartu da Eleizbarrutiko Berariazko Liturgia Egutegi barria
2020.eko azaroaren 27an, On Mario Izeta Burgoseko artzapezpiku hautatu eta Bilboko Eleizbarrutiko gotzain Administratzaile Apostolikoak agindua sinatu eban eta, horren bitartez, Jainkozko Gurtzarako Kongregazinoak 2020.eko urriaren 2an onartu eban Bilboko Eleizbarrutiko berariazko Liturgia...