Domeka honetan, urtarrilak 28, haur misiolarien jardunaldia ospatuko da, umeengan beste ume batzuei, otoitz eta diru-laguntzaren bidez, laguntzeko gogoa bizteko asmoaz. Horrela, sare solidario, gizatiar eta espirituala sortzen da herrialde aberatsenetako umeen eta garapen bidean dagozan herrialdeetako umeen artean. Ume Misiolarien jardunaldi hau Forbin Janson gotzainari esker sortu zan 1843 inguruan, sortu barria zan Fedearen Zabalkunderako Egintzaren barruan umeen misiolari heziketea sustatzea pentsatu ebalako, umeek beharrizanean dagozan beste ume batzuei laguntzeko konpromisoa hartu egien. Umeen eskeintzak laguntza arrunt eta apartekoen bidez banatzen dira 4.000 egitasmo ingurutan, batez ere gosearen aurka eta hezkuntza gabeziei eta gerretatik eta familia eta gizarte abandonutik eratorritako beharrizanei aurre egiteko.

Bederatzi hilabeteko haurdunaldi eta zorioneko erditzearen ostean, San Adrian parrokiak koordinatu eta babestuta, 384 orrialde eta mila argazki ingurugaz, “San Adrián, 50 años de vida” liburuak baserrien, meatzeen eta mutualitateetako behargin gaituen, hirigintza-garapenaren eta gizarte sarearen eratzearen mende erdiko historia kontatzen dau. Liburuak pertsonen mentalitatea, euren eragileak, euren lana… nabarmentzen ditu eta, batez ere, parrokiagaz eta bertatik sortutako ekimenekaz (mutualitatea, dantzak, hirugarren adineko zentroa, euskaltegia,…) eben loturea. Euren oroitzapen eta testigantzak eskeintzen dabezan ehun lagunek idatzitako liburua da.

Datorren eguenez, ekainak 13, Jesukristo Abade Nagusi eta Betierekoaren egunez, abadegintzaren urteurrenak ospatuko dira. 1959an ordenatutakoek Diamantezko Ezteguak ospatuko dabez; 1969an ordenatutakoek, Urrezko Ezteguak eta 1994an ordenatutakoen, Zidarrezko Ezteguak. Aurton, gainera, Zenon Uriguen fraile pasiotarrak Platinozko Ezteguak ospatuko ditu, hau da, 65 urte abade egin zanetik.

Osasun arloan aditua dan José Carlos Bermejo erlijioso kamiloa Indautxuko Jesuiten ikastetxean izango da gaur arratsaldeko zazpi eta erdietatik aurrera, “Espiritualtasuna eta sufrimendua” berbaldia eskeintzeko.

Urtero lez eta badira hogeita lau urte, Erlijiosoen Elizbarrutiko Kontseiluak heziketa teologiko eta espiritualerako jardunaldi batzuk antolatu ditu Bizkaiko lekaime eta lekaideentzat.

Hori da, Jose Luis Bilbao Ahaldun Nagusiaren eskutik “Bizkaitar Argia - Ilustre de Bizkaia” titulua hartu dauanean, Juan Mari Uriartek esandako esaldi bat. “Gure Lurralde Historikoa eta bere balioak, edozein arlotan, sustatu dituen norbanakoei, gizaki juridikoei, zerbitzuei eta jarrerei” Bizkaiko Foru Aldundiak emoten deutsen ohorezko aintzat hartzea da titulu hori.

Orain dala urte bi hasita, Pazko aldiko IV. domekan bokazino erako jardunaldi bi ospatzen dira batera: Bokazinoen aldeko Munduko Eguna eta Sorterriko Bokazinoak. Hau dala-eta, Feli Martin Misinoetarako Ordezkariak eta Aitor Uribelarrea Bilboko Eleizbarrutiko Seminarioko Errektoreak egun horri begira idatzi daben gutunean zera dinoe: “Jardunaldi honetan, otoitza eta lankidetza suspertu gura dira, Jaungoikoari eskaria egiteko: bere Eleizara bokazino barriak bialdu daizala eta misinoko lurraldeetako bokazino barrientzako baliabide nahiko izan daitela euren prestakuntza eta mantenua ahalbideratzeko". Honako honegaz batera ikusi daiteken bideoa orain dala kurso batzuk grabatu zan eta, interesgarria izanda, orain berreskuratu egin dogu.

Munduko arraozak ekimenaren hamabosgarren ekitaldia ospatuko da datorren zapatuz San Frantzisko auzoan, Bilbo Zaharra, San Frantzisko eta Zabala auzoetako taldeen koordinadorak suspertuta. Antolatzaileen esanetan, “dei egin gura dogu, beste behin be, auzo honeetako kulturarteko hartu-emonaz eta aniztasunaz ohartarazoteko eta era bateko eta besteko persona eta kulturen arteko hartu-emonak dakarren aberastasuna aldarrikatzeko”.

Barakaldo Pastoral Barrutiko (PB) hainbat prozesutan –salestarrak, komunidade neokatekumenalak eta parrokietako taldeak (Deadar taldea)- ari diran 26 lagunek, gehienak gazteak, sendotzaren sakramentua hartu eben Santa Teresa parrokian ospatu zan eleizkizun bakarrean.

Bilboko Eleiz Museoan (Gizakunde plaza z/g,) 7.000 kilotik gora pasta, gozoki, gazta, jaki gazi, kosmetika eta likore jarriko dira salgai, gaurtik domekara arte, “Komentuko gozokiak” azokaren XV. ekitaldian.