Sei berbaldi eta mahainguru bat izango dira egun bitan Deustuko Unibertsitatean egingo diran lau saio interesgarritan. Zabalik dago oraindik izena emoteko epea, bertaratu gura dabenentzat. Hauxe da hartuemonetarako telefonoa: 94 410 00 52.

Bilboko Eleiz Museoan dago ikusgai, irailaren 24tik urriaren 2ra.

2001. urtetik aurrera dago Idazkaritzan

Javier Elzo Forum Deustoko presidenteak jardun eban moderatzaile lanetan XX. mendeko pentsalari esanguratsuenetakoa izan dan Jacques Maritain filosofoari eta demokraziak globalizazinoaren aldian dituan erronkei eskeinitako jardunaldien barruan Deustuko Unibertsitatean ospatu zan azken ekitaldian. Azken orduko ezustekoaren eraginez, On Ricardo Blázquez Bilboko gotzain eta Espainiako Gotzainen Batzarreko Presidenteak ezin izan eutson solasaldiari amaerea emon.

Manu de las Fuentes Basauriko San Pedro Apostolua, San Joan Bateatzailea eta Loiolako San Inazio parrokietako moderatzailea da. Deustun jaio zan orain dala 44 urte eta bere bokazinoaz jabetu zan beste urte, hau da, 18, daroaz Bizkaian fedea zabaltzen. Sestao eta Turtzioz eta Villaverden egon ondoren, Manu de las Fuentesek hirugarren kurtsoari ekin deutso Basaurin.

Pax Romana-Intelektual eta Profesional Katolikoen Mugimendua erakundeak Bilbon ospatu eban barikuan koordinazinorako urteroko batzarra, Katalunia, Frantzia, Holanda, Italia, Austria, Bretainia Haundia eta Euskal Herriko ordezkariek parte hartu ebelarik. Kepa Rekakoetxea buru dan Barandiaran Kristau Alkartea Pax Romana erakundeko euskal federazinoak egin eutsen harrerea guztiei eta Nazioarteko Pax Romana dalakoan idazkari nagusi dan Paul Ortega bilbotarra ere bertan egon zan.

Atzo, iluntzeko zazpietan Santiago Katedralean ospatu zan hasierako ekitaldian Bilboko gotzain eta Espainiako Gotzainen Batzarreko Buruak Ebanjelizatzearen Elizbarrutiko III. Egitasmoa (2005-2008) aurkeztu eban. “¿Algo que declarar? / Esatekorik? Bai horixe” goiburupean, fedearen zabalkundea da egitasmo honen helburu nagusia.

Bihar, irailak 29, San Migel eguna, Ereñoko Mikel Goiaingeruaren elizea barriro zabalduko da eta Bermeoko Mikel Goiaingeruaren ermitan egin izan diran konponketak inauguratuko dira.

Atzo Euskalduna Jauregian ospatu zan ekitaldian emon ziran sariok. Bizkaiko Foru Aldundiak, euron bidez, gizarte zerbitzuetan jarduten daben pertsona eta erakundeen lana autortzen eta saritzen dau orain dala 13 urtetik hona.

Aurreko ekitaldietan erakunde foralak normalean jentearentzat helezinak diran eraikinen ateak zabaldu baebazan, aurten, gaur hasi eta asteburu osoan zehar, Bizkaiko hamaika hiribildu esanguratsutako hirigune historiko bisitatzeko konbitea egiten deusku. San Anton Elizea, Bilboren jaiotzaren jatorrizko unea, Bilbon aurreikusitako ibilbidearen barruan dago.