"ALKAR Zerrenda" deritzanaren egitekoa Bizkaiko kristau alkarteen arteko esperientzia eta komunikazinoen barri emotea da; etenbarik, gero eta komunikazino eta bialketa egiten da bide honetatik. Horrela, 2008an, 106 bialketa egin izan da 215 harpidedunen helbide elektronikoetara eta 183 ekitaldi ingururen barri emon izan jake: berbaldietarako deialdiak, otoitzaldiak, jardueren ingurukoak eta, orokorrean, elizbarrutiko bizitzarekin zerikusia daben jarduerak.

Xaber Gaztelu Izagirre Sodupeko parrokoak zuzendutako Meatzalde Korua taldeak CIMAXUB-2011 ekitaldian 2. sarituari emoten deutsen Zilarrezko Baranda jaso barri dauan “Aguas portuarias, refugio de vida” pelikularen soinu-bandan parte hartu eban.

Pastoral Barrutiak parrokia erreferenteei buruz egiten diharduan errealidadearen azterketaren barruan, ekipo ministerialak Garizuma aldiko batzar batzuk antolatu ditu eta martxoko eguenetan izango dira, arratsaldeko zortzietan, Arrigorriagako parrokian. Hauxe da batzarren eskema: otoitzaldia, laguntzailearen berbaldia eta bertaratutakoen arteko solasaldia.

Urrian zehar, Bizkaiko 60 udalerri ingurutan garatu izan dira eta garatuko dira jarduerak Ondarearen Europar Jardunaldien aurtengo ekitaldiaren barruan. “Atzokoa biharko” goiburupean, aurton ondarea zaintzearen eta gordetearen inguruan jardun izan dabe. Eleizbarrutiko Artxiboak eta Museoak be parte hartu dabe ekitaldi honetan, euren egoitzetan jarduera desbardinak garatu izan diralarik.

Joan dan domekan ospatu zan Meatza inguruko gazteen topaketa Somorrostro ikastegian. Bertan, 220 ume, gazte eta euren aita eta amak batu ziran, Gabon jaiei hasierea emoteko. “Bailarako eta Somorrostroko eskaut talde desbardinetako (Goizale, Meatzale, Lurgazte) eta gazte taldeetako kideak alkartu ginan” dinoe partaideek.

Eleizako erakundeak munduko emakumeek jasaten daben zapalkuntzeagaz amaitu gurean, errealidade zehatz bati begiratzen deutso hilero horren barri emonaz. Gaur amaitzen dan hilabetean, Esku Elkartuak Indiako iparraldean dagoan Ranchi herrian geratu da. Bertan, gero eta gehiago trafiketan dabe tribuetako emakume eta neskatoakaz.

Vatikanoko fundazinoaren ekimen hau azkenaldian Iraken biztu dan indarkeriari aurre egiteko "bihotzak alkartu eta otoitz bateratua" egiteko deialdi modura zabaldu da. Gaur, Jaungoikoaren antzaldaketa egunean, otoitzen bidez Irakeko agintaldien bihotzak kilikatu gura dira, "interes personalen ganetik guztien onaren alde egin daien".

Igaz Bilboko Iralabarri auzoan Frantziskotarrek kudeatzen daben San Antonio jantoki sozialari emon eutsen "Bilbo uria Pertsonaia Isila 2013" saria. Sari banatzaileek,atzo, jantokirako jakiak erosteko abian jarriko daben kanpainea aurkeztu eben. Alkartasun Itsulapikoak ipiniko dabez uriko hainbat tokitan dirua biltzeko.

Eskolapioetako zuzendaria eta Itakako kidea da Pablo Santamaria. Atzo Karmen aretoan eskeini eban berbaldian, gazte partoraltza erabarritzeko modu batzuk azaldu ebazan. Saio bi egin ziran eta, honeetan, erreka baten metaforea erabili eban berbaldia tajutzeko. "CAS Alternatiba"-ren alde egin eban, hau da, Kristinau Nagusi eta Jasangarriak eskatu ebazan.

Bilboko Eleizbarrutiko abade eta teologoak argitaratu dauan liburuan kontzilioko Eleizeari buruzko balantzea egiten dau eta aukerak aztertzen ditu. Joan dan astean idazleak Eleizbarrutiko Teologia eta Pastoral Institutura (ETPI) hurreratu zan hainbat lagunen aurrean aurkeztu eban liburua. Ekitaldi horretan izan ziran, Luis Aranguren PPC argitaletxeko zuzendaria; Carlos Coupeau Deustuko Teologia Fakultadeko dekanoa eta Jose Antonio Badiola Vitoria-Gasteizko Teologia Fakultadeko dekanoa. Carlos Garcia de Andoin Institutuko zuzendariak egin eban aurkezpena eta Angel Mari Unzueta bikario nagusiak emon eutsan amaierea saioari.