Barria - www.bizkeliza.org
Skip to main content

On Joseba Segura gotzainaren Gabonetako zorion-agurra

created by Fede-zabalkunde eta Katekesirako eta Misinoetarako ordezkaritzakaz eta Caritasegaz batera |
|   Komunikazinoa

On Joseba Segura Eleizbarrutiko gotzain administratzaileak Gabonetako zorion-agurra zuzendu deutso Eleizbarrutiari, “askorentzat arraro eta gogorra” izan dan urte honetan Bizkaiko Eleizatik bostekoa emon daben erakundeak ordezkatzen dabezan pertsonakaz batera. Gotzainak, Clara Arza Fede-zabalkunde eta Katekesirako ordezkariak, Feli Martin Misinoetarako ordezkariak eta Carlos Bargos Bizkaiko Caritaseko zuzendariak “pozez eta itxaropenez” betetako mezua bialdu gura izan dabe, danek be neurriak betez, maskara ipinita, Gabonetan be “alkar babestu eta besteak zaindu” behar doguzala erakusteko. Gotzainak bere egin dau Charles de Foucauld dohatsu eremitaren esaldi hau: “Belenen hasiko da “Jesusengan lekurik apalena hartuz, inork kendu izan ez deutsan Jainkoaren barritasuna”.

Carlos Bargos Bizkaiko Caritaseko zuzendariak, “geure barrentasuna” zaindu eta “Jesusen argiari lekua egin” behar deutsagula nabarmentzen dau eta, aldi berean, “gure ingurukoak, batez be makalenak” zaindu egin behar ditugula dino.

Clara Arza Fede-zabalkunde eta Katekesirako ordezkariak urte “ilun hau” argitu daben “itxaropen-izpiak” nabarmendu ditu. Esker ona adierazo dau “zaindu gaituen, eta gauzak martxan jarraitu eien gizartearen alde biziki ahalegindu dan” hainbeste lagunen ahaleginagaitik. Urte honetan hil diran guztiak be gogoan izan ditu. Feli Martin Misinoetarako ordezkariak Bizkaiko herriaren otoitz eta alkartasuna eskertu ditu, “batez be urte honetan”. Era berean, egun esanguratsu honeetan, “maitasuna, alkartasuna eta zuzentasuna” eskatu ditu.

“Ume eder honek lagundu deigula Bera lez apal, errukitsu eta eskuzabal izaten”, dino On Joseba Segura gotzainak bere mezuaren amaieran.