Barria - www.bizkeliza.org
Skip to main content

“Ekonomia salerosketa barik”, Migrazinoetarako Gotzainen Batzarreko arduradunaren berbaldia

created by Gaur, 19:00etan, online |
|   Komunikazinoa

Otsailaren 8an ospatu zan Pertsonen Salerosketaren aurkako Gotoeta eta Otoitzerako Munduko Egunaren inguruan, Migrazinoetarako Bilboko Eleizbarrutiko Mahaiaren eskutik berbaldia ospatuko da, gaur –otsailak 16-, online, 19:00etan, Maria Francisca Sanchez Vara Migrazinoetarako eta Giza Mobikortasunerako Gotzain Azpibatzordeko Idazkaritzako arduraduna hizlari dala. Alkarren Barri – Comunicación’ eleizbarrutiko aldizkariari eskaini barri deutsan alkarrizketan adierazo dauanez, “interes ekonomikoa erabakigarria da negozio honek iraun daian, izan be, kostu oso txikiak ditu eta egundoko irabaziak, esplotazino eta esklabotasunaren kontura”.

Sanchez Varak, aitatuako alkarrizketan, Eleizak eta gutako bakotxak pertsonen salerosketaren inguruan egin daikegunaren inguruan be hausnartzen dau. Bere esanetan, “ezgauza dala iruditu arren, danak balio dau. Gure gizartean ezkutatuta dagoan arazo baten aurrean gagoz eta egin beharko geunken lehenengo gauza, argitara emotea da, hau da, horren inguruan bildur barik berba egin behar dogu”.

Migrazinoetarako Gotzain Batzordeak kontu honen inguruko erakusketa prestatu dau: “Puntu eta jarrai. Bizia eraginkorrago da”. Santiago katedraleko klaustrotik Deustuko Unibertsitateko klaustrora lekualdatu zan eta hantxe egongo da ikusgai otsailaren 24ra arte. Gaurko hizlariak erakusketaren inguruan zera esan dau: “itxaropenari zabalik dagoan eremua da. Bizia eta etorkizuna dago esplotazinitik eta pertsonen salerosketatik kanpo; inork ez dau esklabo bihurtu gura, etorkizun duina da gura dauana”.

Berbaldia iragarten dauan kartela